लसीकरणाात पुरुषांच्यापेक्षा महिलांचे प्रमाण अधिक

लोकमत न्यूज नेटवर्क

प्रवीण जाधव

रामापूर : पाटण तालुक्यातील वाढता कोरोनाच्या प्रादुर्भावावर नियंत्रण मिळविण्यासाठी प्रत्येक गावात वाडीवस्तीवर लसीकरणाला प्राधान्य देण्यात आले होते या मोहिमेत पुरुषांच्या खांद्याला खांदा लावून महिलांनी देखील लस घेतली आहे पाटण तालुक्यात ४५ च्या पुढील वयोगटातील तालुक्यातील १३ प्राथमिक आरोग्य केंद्रांमधून ६२ हजार ७७० नागरिकांनी लस घेतली. लसीकरण मोहिमेत पुरुषांपेक्षा महिलांचे प्रमाण अधिक आहे.

पाटण तालुक्यातील कोरोना बाधित ६ हजार १८४ पर्यंत पोचले आहेत, तर कोरोनामुक्त ५ हजार ४९० झाले असून, तालुक्यात २६७ दुर्दैवी मृत्यू झाले.

पाटण तालुक्यात कोरोनाबाधितांचे संक्रमण रोखण्यासाठी सर्व प्रशासन आणि आरोग्य प्रशासन वेगाने काम करत होते. त्याबरोबरच तालुक्यातील १३ प्राथमिक आरोग्य केंद्रांच्या माध्यमातून प्रत्येक गावात लसीकरणाची गती वाढवली. मात्र यामध्ये देखील पुरुषांपेक्षा महिलांनी पुढाकार घेत तालुक्यात ३१ हजार ९६५ महिलांनी लस घेतली, तर तालुक्यातील पुरुषांनी ३० हजार ८०५ लस घेतली.

कोरोनाच्या पहिल्या आणि दुसऱ्या लाटेत अनेकांना आपला प्राण गमवावा लागला, तसेच दुसऱ्या लाटेत कोरोना रुग्णांची संख्या झपाट्याने वाढताना दिसत आहे, त्यामुळे कोरोनाला अटकाव करण्यासाठी लस हाच एकमेव पर्याय असल्याने प्रत्येकाने ती घ्यावी, असे आवाहन तालुक्यातील महसूल, आरोग्य प्रशासनाच्या वतीने करण्यात येत आहे.

पाटण तालुक्यातील १३ आरोग्य केंद्रांतील लसीकरणाची आकडेवारी

आरोग्य केंद्र। पुरुष। स्त्री। एकूण

चाफळ। २३७९ २४६४ ४८४३

हेळवाक। १६१८ १६६७ ३२८५

काळगाव। २४०० २५६३ ४९६३

केरळ। २५७६ २६७१ ५२४७

मल्हारपेठ। ३२३२ ३४७७ ६७०९

मरळी। २९४९ १९४१ ४८९०

मोरगिरी। २५५४ २७५६ ५३१०

मुरुड। २२८९ २४२० ४७०९

सळवे। १६०४ १८७२ ३४७६

सणबुर। १८६४ २३१२ ४१७६

सोनावडे। १९४६ २३०५ ४२५१

तलमावले। २२९४ २३७२ ४६६६

तारळे। ३१०० ३१४५ ६२४५

एकूण। ३०८०५ ३१९६५ ६२७७०

तालुक्यात कोरोनाबाधित- ६१८४

तालुक्यातील कोरोनामुक्त-५४९०

दुर्दैवी मृत्यू -२६७