Satara Crime News: शिवडेतील विहिरीत आढळला महिलेचा मृतदेह, ओळख पटविण्याचे काम सुरू

परिसरात उडाली खळबळ

उंब्रज : शिवडे येथील विहिरीत अनोळखी महिलेचा मृतदेह आढळून आला. यामुळे परिसरात खळबळ उडाली आहे.पोलिसांनी दिलेली माहिती अशी की, विजय मारुती भोसले हे गुरुवार, दि. २९ रोजी सकाळी शेतात उसाला पाणी पाजण्यासाठी गेले होते. ते विहिरीजवळ मोटार सुरू करण्यासाठी गेले असता त्यांना विहिरीतील पाण्यावर स्त्री जातीचा मृतदेह तरंगताना दिसून आला. हा प्रकार लक्षात येताच त्यांनी तातडीने उंब्रज पोलिस ठाण्यास कळविले. उंब्रज पोलिस ठाण्याचे अधिकारी व कर्मचारी हे घटनास्थळी दाखल झाले. विहिरीत मिळून आलेला महिलेचा मृतदेह हा अनोळखी असल्यामुळे मृत महिलेची ओळख पटविण्याचे काम रात्री उशिरापर्यंत सुरू होते.