उंडाळकर गटाचा संस्थापक पॅनेलला पाठिंबा!

कराड

यशवंतराव मोहिते कृष्णा सहकारी साखर कारखान्याच्या पंचवार्षिक निवडणुकीत बहुतांशी काँग्रेस कार्यकर्त्यांच्या आग्रहानुसार अविनाश मोहिते यांच्या नेतृत्वाखालील संस्थापक पॅनेलला जाहीर पाठिंबा दिला असल्याची माहिती कराड दक्षिण काँग्रेसचे नेते अॅॉड. उदयसिंह पाटील यांनी प्रसिध्दीपत्रकाद्वारे देण्यात आली आहे.

पत्रकात म्हटले आहे की, गेली अनेक दिवस कृष्णा साखर कारखान्याच्या निवडणुकीत दोन्ही मोहित्यांच्या आघाडीच्या चर्चा चालू होत्या. राज्याचे माजी मुख्यमंत्री, आमदार पृथ्वीराज चव्हाण यांसह नेतेमंडळींनी प्रयत्न केले होते. त्यात मीसुध्दा होतो. आघाडीच्या चर्चा थांबल्यानंतर कृष्णा कारखान्याच्या निवडणुकीत कोणाला पाठिंबा द्यायचा यासाठी मी काँग्रेस पक्षाच्या काही पदाधिकऱ्यांच्या उपस्थितीत कोयना दूध संघावर प्रमुख कार्यकर्त्यांची बैठक बोलावली होती. या बैठकीत बहुतांशी कार्यकर्त्यांना संस्थापक पॅनेलला पाठिंबा देण्याची भूमिका घेतली होती. सर्व कार्यकर्त्यांची मते जाणून घेतल्यानंतर पक्षातील वरिष्ठ नेते व ज्येष्ठ कार्यकर्त्यांशी सल्लामसलत करून याबाबत लवकरच घोषणा केली जाईल, असे जाहीर केले होते.

त्याप्रमाणे पक्षातील नेते व गटाच्या ज्येेष्ठ कार्यकर्त्यांशी कृष्णा निवडणुकीसंदर्भात सविस्तर चर्चा करून अविनाश मोहिते यांच्या नेतृत्वाखालील संस्थापक पॅनेलला पाठिंबा जाहीर करून तशा सूचना कार्यकर्त्यांना दिल्या आहेत, असेही पत्रकात म्हटले आहे.

फोटो

उदयसिंह पाटील