फलटण तालुक्यात कोरोनाबाधित वीस रुग्ण

फलटण : फलटण तालुक्यात शनिवारी कोरोना बधितांच्या संख्येत अचानक वाढ झाली, तालुक्यात वीस तर फरांदवाडी या एकाच गावात नवीन आठ रुग्ण आढळून आले आहेत.

जिल्हा प्रशासनाकडून शनिवार, दि. ९ रोजी जाहीर केलेल्या अहवालानुसार, फलटण तालुक्यात एकूण वीस कोरोना रुग्ण सापडले आहेत. यामध्ये फलटण शहरात ६, तर ग्रामीण भागात १४ व्यक्तींच्या कोरोना चाचण्या पॉझिटिव्ह आल्या आहेत, अशी माहिती जिल्हा शल्यचिकित्सक डॉ. सुभाष चव्हाण यांनी दिली आहे.

फलटण शहरात सहा व्यक्ती पॉझिटिव्ह

यामध्ये फलटण ३, शुक्रवार पेठ १, रविवार पेठ १, गोळीबार मैदान १ व्यक्तीच्या कोरोना चाचण्या पॉझिटिव्ह आल्या आहेत.

ग्रामीण भागात चौदा व्यक्ती पॉझिटिव्ह

आढळले. यामध्ये फरांदवाडी ८, सोनगाव १, जाधववाडी १, पिंप्रद १, तडवळे १, बरड १, मुंजवडी १ व्यक्तींच्या कोविड चाचण्या पॉझिटिव्ह आल्या असल्याची माहिती डॉ. सुभाष चव्हाण यांनी दिली आहे.