सुंदरगडावर शिवजन्मोत्सव सोहळा उत्साहात

किल्ल्यावरील खंजीर महाद्वारातील गणपती, हनुमान मंदिरात छत्रपती शिवाजी महाराज यांच्या प्रतिमेची प्रतिष्ठापणा करून पंचगंगा तीर्थ, दुग्धाभिषेक करण्यात आला. यावेळी शिवभक्तांनी छत्रपती शिवरायांच्या पराक्रमाच्या घोषणा दिल्या. पारंपरिक संबळ वाद्याच्या निनादात छत्रपती शिवप्रतिमेची पालखी मिरवणूक काढण्यात आली. शिवजयंतीच्या पूर्वसंध्येपासूनच किल्ले सुंदरगडावर शिवज्योती प्रज्वलित करण्यासाठी महाराष्ट्राच्या अनेक ठिकाणाहून शिवभक्तांची मांदियाळी सुरू झाली होती. तलवार विहीर व खंजीर महाद्वारसाठी प्रसिद्ध असलेला सुंदरगड शिवजयंतीच्या पूर्व संध्येपासूनच मावळ्यांच्या गर्दीने गजबजून गेला होता. लांबून आलेल्या शिवभक्तांची सुंदरगडावर कोणत्याही प्रकारची गैरसोय होऊ नये, यासाठी सुंदरगड संवर्धन समिती, ग्रामस्थांच्या वतीने नियोजन करण्यात आले होते.

शिवजयंतीदिनी प्रांत समयी किल्ल्यावरील खंजीर महाद्वारातील गणपती, हनुमान मंदिरात छत्रपती शिवाजी महाराज यांच्या प्रतिमेची प्रतिष्ठापणा करून पंचगंगा तीर्थ, दुग्धाभिषेक करण्यात आला. यावेळी शिवभक्तांनी शिवघोषणांचा गजर केला. यावेळी पारंपरिक संबळ वाद्याच्या निनादात छत्रपती शिवप्रतिमेची पालखी मिरवणूक काढण्यात आली. सोहळा संपन्न झाल्यानंतर खंजीर महाद्वारातील गणपती-हनुमान मंदिरात पारंपरिक पद्धतीने छत्रपती शिवजन्मोत्सव साजरा करण्यात आला.

यावेळी शिवकन्या व परिसरातील महिलांनी शिवपाळणा गायला. सुंदरगडावरील हा सोहळा संपन्न करण्यासाठी किल्ले सुंदरगड संवर्धन समिती तसेच ग्रामस्थांनी परिश्रम घेतले.

फोटो : २०केआरडी०३

कॅप्शन : पाटण तालुक्यातील सुंदरगड-घेरादाते गडावर शिवजन्मोत्सव सोहळा अभुतपूर्व उत्साहात साजरा करण्यात आला. यावेळी शिवप्रेमी मोठ्या संख्येने उपस्थित होते.