तांबवेच्या सरपंचपदी सर्वसाधारण महिला प्रवर्गातील शोभाताई बाळासाहेब शिंदे यांची, तर उपसरपंचपदी अ‍ॅड. विजयसिंह पांडुरंग पाटील यांची बिनविरोध निवड झाली. नवनिर्वाचित सरपंच, उपसरपंच व ग्रामपंचायत सदस्यांचा जिल्हा परिषदेचे सदस्य प्रदीप पाटील, सह्याद्री सहकारी साखर कारखान्याचे संचालक रामचंद्र पाटील, सतीश पाटील यांच्या हस्ते सत्कार करण्यात आला.
साजूरच्या सरपंचपदी इतर मागास प्रवर्गातील महिला करिश्मा भागवत-कुंभार व उपसरपंचपदी संदीप पाटील यांची बिनविरोध निवड करण्यात आली. माजी पंचायत समिती सदस्य विजय चव्हाण, विकास कांबळे, ग्रामसेवक नीळकंठ कोळी यांच्या हस्ते त्यांचा सत्कार करण्यात आला.
मौजे साकुर्डी ग्रामपंचायतीच्या सरपंचपदी सर्वसाधारण पुरुष प्रवर्गातील अ‍ॅड. विश्वासराव निकम यांची व उपसरपंचपदी सुहास जाधव यांची बिनविरोध निवड झाली. निवास शिंदे, अ‍ॅड. विकास निकम यांनी नूतन पदाधिकाऱ्यांचा सत्कार केला.
वस्ती साकुर्डी येथील सरपंचपदी इतर मागास प्रवर्गातील सुप्रिया ननावरे व उपसरपंचपदी विश्वास कणसे यांची बिनविरोध निवड झाली. केसे ग्रामपंचायतीच्या सरपंचपदी सर्वसाधारण पुरुष प्रवर्गातील प्रदीप शिंदे व उपसरपंचपदी युनूस सुतार यांची बिनविरोध निवड करण्यात आली.
फोटो : २४केआरडी०३
कॅप्शन : तांबवे (ता. कऱ्हाड) येथे नूतन सरपंच शोभाताई शिंदे व उपसरपंचपदी अ‍ॅड. विजय पाटील यांची निवड झाल्याबद्दल जिल्हा परिषदेचे सदस्य प्रदीप पाटील यांच्या हस्ते त्यांचा सत्कार करण्यात आला.