Satara News | Latest Satara News in Marathi | Satara Local News Updates | ताज्या बातम्या सातारा | सातारा समाचार | Satara Newspaper

कऱ्हाड (जि.सातारा) : पाणीपुरवठा योजनेच्या कामासाठी भुसुरुंगाचा स्फोट केल्यानंतर दगड उडून लागल्याने शेतकऱ्याचा मृत्यू झाला. दत्तात्रय पांडुरंग बामणे (वय ५५, रा.कार्वे), असे दगड लागून मृत्यू झालेल्या शेतकऱ्याचे नाव आहे. कार्वे (ता.कऱ्हाड) येथे शुक्रवारी, दि. ११ रोजी घडलेल्या या घटनेप्रकरणी मंगळवारी कऱ्हाड ग्रामीण पोलिस ठाण्यात योजनेचे अधिकारी, ठेकेदार, भुसुरुंग स्फोटाचे काम करण्याकरिता वापरलेल्या वाहनाचा चालक व मालक, तसेच कर्मचाऱ्यांवर गुन्हा नोंद करण्यात आला आहे. याबाबत धीरज दत्तात्रय बामणे याने पोलिसांत फिर्याद दिली आहे.कार्वे ते कोडोली जुना रस्ता येथील शिवारात गत महिन्यापासून महाराष्ट्र जीवन प्राधिकरणांतर्गत पेयजल योजनेच्या विहिरीचे काम चालू आहे. त्या ठिकाणी खोदकाम करण्यासाठी सुरुंगाचा वापर करून अधूनमधून स्फोट करण्यात येत असतो. शुक्रवारी, दि. ११ सायंकाळी चार वाजण्याच्या सुमारास दत्तात्रय बामणे हे त्यांच्या शिवारातील शेतात गेले होते. त्यांच्या शेताच्या जवळच पेयजल योजनेच्या विहिरीचे काम सुरू होते. सायंकाळी सहा वाजण्याच्या सुमारास विहीर खोदण्यासाठी भुसुरुंगाचा स्फोट करण्यात आला. त्यावेळी स्फोटात वेगाने उडालेला दगड दत्तात्रय बामणे यांच्या पाठीवर उजव्या बाजूला जोराने लागल्याने त्यांच्या बरगड्या तुटून फुप्फुसामध्ये रक्तस्राव झाला. त्यांना उपचारासाठी तातडीने खासगी रुग्णालयात दाखल करण्यात आले. मात्र, गंभीर मार लागल्याने पुढील उपचारासाठी मिरज येथे हलविण्यात येत असताना वाटेतच दत्तात्रय बामणे यांचा मृत्यू झाला.

Satara (Marathi News)

आघाडीचे नेते अस्वस्थ असल्यानेच रोज एका ठिकाणी आंदोलन ...

घडतंय बिघडतंय : 'राष्ट्रवादी'च्या 'घड्याळा'ला कराड दक्षिणेत मिळाला नवा 'हात' ...

पोरकटपणाचा प्रकार; साताऱ्यातील दरे गावी पत्रकारांशी संवाद ...

वर्षातील उच्चांकी तापमान : तीन दिवसांपासून उष्णतेची लाट ...

अधिकारी, ठेकेदारासह कर्मचाऱ्यांवर गुन्हा ...