Satara News | Latest Satara News in Marathi | Satara Local News Updates | ताज्या बातम्या सातारा | सातारा समाचार | Satara Newspaper

दोघांना अटक ; जखिणवाडीतील घटनेने काहीकाळ तणावकराड : खुन्नस देत असल्याच्या कारणावरून एकावर चाकूने वार करण्यात आले. जखीणवाडी, ता. कराड येथे मंगळवारी रात्री आठ वाजेच्या सुमारास ही घटना घडली. याप्रकरणी कराड शहर पोलिसांनी दोघांना अटक केली. त्यांना न्यायालयासमोर हजर केले असता एक दिवस पोलीस कोठडीत ठेवण्याचे आदेश न्यायालयाने दिले.देवेंद्र अशोक येडगे (वय 20, रा. जखीणवाडी) असे चाकू हल्ल्यात जखमी झालेल्याचे नाव आहे, तर अक्षय ऊर्फ आकाश जयसिंग बाबर (वय 25) व उत्सव उत्तम शिंदे (वय 19, दोघेही रा. जखीणवाडी) यांना पोलिसांनी अटक केली आहे.पोलिसांनी दिलेल्या माहितीनुसार, जखीणवाडी येथे उत्सव शिंदे व आकाश बाबर थांबले असताना तेथे देवेंद्र येडगे गेला. त्यावेळी तू येथे का आलास असे म्हणून शिंदे व बाबर यांनी चाकूने व दगडाने येडगेला मारहाण केली. त्यानंतर संशयित दोघेही तेथून पळून गेले. दरम्यान, जखमी अवस्थेत देवेंद्र येडगे कराड येथील कॉटेज हॉस्पिटलमध्ये पोहोचले. तेथे प्राथमिक उपचार करून त्यांना कृष्णा हॉस्पिटल येथे हलविण्यात आले आहे.दरम्यान, याबाबतची माहिती पोलिसांना मिळताच वरिष्ठ पोलीस निरीक्षक बी. आर. पाटील यांच्या मार्गदर्शनाखाली संशयितांना पकडण्यासाठी पोलीस पथके रवाना करण्यात आली. त्यानुसार संशयितांच्या मोबाइल लोकेशनवरून पोलिसांनी मध्यरात्री अडीच वाजेच्या सुमारास दोघांनाही ताब्यात घेऊन अटक केली. त्यांना न्यायालयात हजर केले असता एक दिवस पोलीस कोठडीत ठेवण्याचे आदेश न्यायालयाने दिले. याबाबतची फिर्याद जखमी देवेंद्र येडगे यांनी शहर पोलिसांत दिली असून, अधिक तपास पोलीस उपनिरीक्षक भरत पाटील करीत आहेत.

Satara (Marathi News)