Satara Marathi News | सातारा मराठी बातम्या | Latest Satara News in Marathi | सातारा ताज्या बातम्या | Satara Crime Marathi News | सातारा ब्रेकिंग न्यूज़| Breaking & Live Satara News | Satara Local News Update| Today's Satara News paper

पेट्री : सातारा शहराला पाणीपुरवठा करणाऱ्या कास तलावाच्या पाणीपातळीत गुरुवारी झालेल्या मुसळधार पावसामुळे तीन इंचाने वाढ झाली आहे. सद्यस्थितीला कास तलावात नऊ फूट तीन इंच पाणीसाठा झाला आहे. त्यामुळे काही प्रमाणात का होईना दिलासा मिळाला आहे.सातारा शहराला पाणीपुरवठा करणाऱ्या कास तलावाच्या पाणीपातळीत दिवसेंदिवस घट होऊन मागील आठवड्यात कास तलावात केवळ नऊ फूट पाणीसाठा शिल्लक राहिला होता. कास तलावाचा दुसरा व्हॉल्व्ह बंद करून सातारा शहराला अंतिम तिसऱ्या व्हॉल्व्हद्वारे पाणीपुरवठा सुरू आहे. गेल्या एक-दोन पावसानेे जमिनीत ओलावा निर्माण झाला होता. गुरुवारी तासभर पडलेल्या मुसळधार पावसाने तलावाच्या पाणीपातळीत शुक्रवारी रात्री तीन इंचाने वाढ होण्यास मदत झाली आहे.तलावातील पाणीपातळी खालावल्याने ठिकठिकाणी तलावात जमिनी उघड्या पडल्याचे चित्र दिसत आहे. सद्यस्थितीला गतवर्षीपेक्षा सात इंच पाणीसाठा कमी शिल्लक असल्याने सातारकरांनी पाण्याचा वापर काटकसरीने करणे आवश्यक आहे.०८कास तलावसातारा तालुक्यात पडत असलेल्या पावसामुळे कास तलावात तीन इंच पाणीसाठा वाढला आहे.(छाया -सागर चव्हाण)

Satara (Marathi News)