मोदी लाटेतही राजेंची कॉलर टाईट

सातारा : केंद्रात व राज्यात पाच वर्षांपूर्वी मोदी लाट आली होती. आता तर या लाटेचे त्सुनामीत रुपांतर झाल्याचे चित्र देशभर पाहायला मिळत आहे. या त्सुनामीत काँगे्रस-राष्ट्रवादीचे अनेक बुरूज ढासळले. या वादळाचा परिणाम मात्र सातारा लोकसभा मतदार संघात झाला नाही. शेजारच्या माढा, कोल्हापूर, सांगली, हातकणंगले मतदार संघात काँगे्रसचे बुरूज ढासळले गेले. मात्र, साताऱ्यातील राष्ट्रवादीचा बालेकिल्ला उदयनराजेंनी शाबूत व सहीसलामत ठेवला. आपल्या अफाट लोकप्रियतेच्या बळावर उदयनराजेंनी भाजपची त्सुनामी बालेकिल्ल्यात शिरू दिली नाही. राष्ट्रवादीचे संस्थात्मक जाळे आणि आमदारांची ताकदही त्यांच्यासाठी पोषक ठरली.सातारा : उदयनराजे भोसले यांची कॉलर उडविण्याच्या स्टाईलवर सातारकर भलतेच फिदा आहेत. देशभर मोदींच्या लोकप्रियतेला चार चाँद लागले असले तरीही उदयनराजेंची लोकप्रियता तसूभरही कमी झालेली नाही. वंचित बहुजन आघाडीचा फॅक्टर देशभर काँगे्रस-राष्ट्रवादीला डोकेदुखी ठरला. मात्र तो फॅक्टर साताºयात चालला नाही. उदयनराजेंचे मताधिक्य मागील निवडणुकीच्या तुलनेत घटले असले तरी त्यांचा पराभव करणे भाजप-शिवसेनेला शक्य झालेले नाही.२०१४ च्या निवडणुकीत उदयनराजे भोसले यांनी ३ लाख ६० हजार इतके मोठे मताधिक्य मिळवले होते. यंदाच्या निवडणुकीत शिवसेना व भाजप या मित्रपक्षांनी राष्ट्रवादीचा पर्यायाने उदयनराजेंचा पराभव कुठल्याही परिस्थितीत करायचाच, या उद्देशाने सल्लामसलत करून सातारा लोकसभा मतदार संघात तुल्यबळ उमेदवार दिला. राष्ट्रवादीतून भाजपमध्ये आलेले माजी आमदार व माथाडी कामगार नेते नरेंद्र पाटील यांना शिवसेनेने शिवबंधन धागा बांधून लोकसभेची उमेदवारी दिली.डोक्यात गांधी टोपी आणि पीळदार मिशा अशा वेगळ्या पेहरावात सातारकरांसमोर आलेले नरेंद्र पाटील यांचे रांगडे व्यक्तिमत्त्व ग्रामीण भागातील लोकांना अपील होईल, अशी अपेक्षा भाजप-सेनेच्या नेत्यांना होती. काहीअंशी त्यात तथ्य होते. मात्र उदयनराजेंच्या अफाट लोकप्रियतेपुढे नरेंद्र पाटील यांचे हे रांगडे रूप पुरेसे ठरले नाही.संपूर्ण देशभर भाजप-शिवसेना या मित्र पक्षांनी जोरदार वावटळ उठवून दिली होती. ही वावटळ साताºयात निर्माण करण्यात भाजप-शिवसेना या दोन्ही पक्षांना अपयश आले. शिवसेनेने ऐनवेळी नरेंद्र पाटील यांना दिलेली उमेदवारी अनेकांना रुचली नाही. त्यामुळे पाटील यांच्यासोबत भाजप-शिवसेनेची एकसंध ताकद दिसली नाही. याउलट राष्ट्रवादीचे सर्वेसर्वा खासदार शरद पवार यांचा आदेश मानून राष्ट्रवादीचे नेतेमंडळी उदयनराजेंसाठी झाडून कामाला लागली होती.उदयनराजेंची झाली हॅट्ट्रिकलोकसभेत जाण्यासाठी २००९ मध्ये उदयनराजेंनी स्वत:च्या पक्ष नेत्यांशी संघर्ष केला होता. २0१४ मध्येही त्यांना विरोध झाला. तसाच तो २0१९ मध्येही झाला. मात्र, कसलेल्या पैलवानाप्रमाणे उदयनराजेंनी सर्व राजकीय कौशल्य पणाला लावून सलग तिसऱ्यांदा राष्ट्रवादीची उमेदवारी मिळवली. उदयनराजेंची जादू आणि राष्ट्रवादी व काँगे्रस या दोन पक्षांचा जिल्ह्यात असलेला विश्वास यामुळे उदयनराजे पुन्हा जिंकले. मैं बोलता हूँ... ओ मैं करता हूँ... और मैं जो नहीं बोलता ओ मैं डेफिनेटली करता हूँ...!, असा रावडी डायलॉग नेहमीच उदयनराजेंच्या तोंडात असतो. कॉलर उडविण्याची त्यांची स्टाईल तर संपूर्ण देशात ‘फेमस’ आहे. तरुणवर्ग त्यांच्यावर फिदा आहे. तरुणांच्या मताचा वाढलेला टक्का उदयनराजेंसाठी फायद्याचा ठरला. उदयनराजेंनी तिसºयांदा करून दाखविले आहे. मोदी लाटेतही ते साताºयातून निवडून आले आहेत.