वाचनाने निर्माण झालेले ज्ञान ही संपत्ती

आचरेवाडी, ता. पाटण येथे न्यू इंग्लिश स्कूल व ज्युनिअर कॉलेजमध्ये विद्यार्थ्यांना मार्गदर्शन करताना त्या बोलत होत्या. प्रकाश देशमुख, ज्येष्ठ शिक्षक जालिंदर लोहार, एच. के. यादव, प्रा. जी. डी. मोहिते, प्रा. गुणवंत मोहिते, प्रा. सचिन खंडझोडे, ए. एच. यादव उपस्थित होते.

जयश्री देशमुख म्हणाल्या, आचरेवाडी विद्यालयाने चांगले शैक्षणिक कार्य करून विभागातील मुलांसाठी उत्तम सोय केली आहे. या मुलांसाठी आमचे नेहमीच सहकार्य राहील. या परिसरात ज्ञानेश्वरी पारायण सोहळ्यांचे आयोजन केले जाते. त्या माध्यमातून ज्ञानेश्वरीचे वाचन व पठण होत असते. मराठी माणसाने जीवनात एकदा तरी ज्ञानेश्वरी वाचावी. त्यामुळे जीवनासाठी चांगले ज्ञान मिळेल.

यावेळी संजय लोहार यांचेही भाषण झाले. जयश्री देशमुख यांच्याहस्ते यावेळी विद्यार्थ्यांना विविध पुस्तकांचे वाटप करण्यात आले. प्रा. अमोल नलवडे यांनी प्रास्ताविक केले. प्रा. शिल्पा मोरे यांनी आभार मानले.

फोटो : १४केआरडी०२

कॅप्शन : आचरेवाडी, ता. पाटण येथील न्यू इंग्लिश स्कूलमध्ये सीमा देशमुख आणि प्रकाश देशमुख यांच्याहस्ते विद्यार्थ्यांना पुस्तकांचे वाटप करण्यात आले.