‘राजें’मध्ये रंगले ‘फलक’ युद्ध!

कोणत्याही खस्ता खायची आमची तयारी

‘सध्या विकसनशील अवस्थेत असलेल्या सातारा शहराला विकसित आणि सुरक्षित शहर म्हणून वेगळी ओळख निर्माण करण्यासाठी कोणत्याही खस्ता खायची आमची तयारी आहे’, असे मत सातारा विकास आघाडीचे अध्यक्ष तथा खासदार उदयनराजे भोसले यांनी व्यक्त केले. करंजे पेठ येथील मेहेर कॉलनीत बगीचा विकसन, पोवई नाक्यावरील शिवस्मारक व पोवई नाका ते वाढे फाटा रस्ता विकसन अशा विकासकामांच्या उद्घाटनप्रसंगी ते बोलत होते.

(चौकट)

सातारकर जनता माझ्यासोबत

विकासकामांच्या उद्घाटनप्रसंगी माध्यमांनी सातारा पालिकेत आमदार शिवेंद्रसिंहराजे भोसले हे तुमच्यासमवेत असणार का, असा प्रश्न विचारला असता खासदार उदयनराजे म्हणाले, ‘कोणी असो अथवा नसो साताऱ्याची जनता माझ्यासमवेत आहे. आम्ही विकासकामांचा शब्द देतो आणि पाळतोही. मात्र, काही नुसतच बोलतात आणि करत काहीच नाहीत, असा टोला त्यांनी आमदार शिवेंद्रसिंहराजे यांचे नाव न घेता लगावला.

(चौकट)

अजिंक्यताऱ्यावर रोप वे

अजिंक्यतारा ते पायथा असा रोप वे उभारण्याचा निर्णय आम्ही घेतला आहे. या कामी आवश्यक असणारे आराखडे, अंदाजपत्रक, पुरातत्व खात्यासह विविध परवानग्या घेऊन लवकरच रोप वे साकारला जाईल, अशी माहिती खासदार उदयनराजे भोसले यांनी दिली. खासदार उदयनराजे यांनी बुधवारी एसजीएआरएल या कंपनीच्या तज्ञांसह किल्ला व परिसराची पाहणी केली, यावेळी ते बोलत होते. यावेळी उपनगराध्यक्ष मनोज शेंडे, ॲड. डी. जी. बनकर आदी उपस्थित होते.