सातारा : सातारा पालिकेच्या सोनगाव येथील कचरा डेपोत सोमवारी लागलेली आग तिसऱ्या दिवशीही धुमसत होती. ही आग विझविण्यासाठी पालिका प्रशासनाकडून वाई, कराड, रहिमतपूर व महाबळेश्वर या पालिकांचीही मदत घ्यावी लागली; परंतु आग आटोक्यात आली नाही.दरम्यान, धुरामुळे गंभीर स्वरूपाचे आजार होत असल्याची अफवा पसरल्याने कचरा डेपो व अजिंक्यतारा परिसरातील नागरिकांनी भलतीच धास्ती घेतली. काही नागरिकांनी तर खबरदारीचा उपाय म्हणून गावी जाण्याचे नियोजनही केले.सोनगाव येथील कचरा डेपोत सोमवारी (दि. ९) सकाळी ११ वाजण्याच्या सुमारास आग लागली. ही आग वणव्यामुळे लागली असल्याचा प्राथमिक अंदाच आहे. या आगीमुळे कचऱ्याने पेट घेतल्याने डेपोत गेल्या तीन दिवसांपासून अक्षरश: आगडोंब उसळला आहे. सातारा पालिकेच्या अग्निशमन व आराेग्य विभागाची यंत्रणा ही आग आटोक्यात आणण्यासाठी अथक प्रयत्न करत आहे. मात्र, आगीची तीव्रता अधिक असल्याचे ती विझविण्याचे नाव घेईना. बुधवारी (दि. ११) रात्री आठ वाजेपर्यंत केवळ ३० ते ३५ टक्के आग आटोक्यात आली होती. यासाठी पालिका प्रशासनाला अन्य पालिकांची मदतही घ्यावी लागली. दरम्यान, कचरा डेपोतून निघणारा धूर हा अत्यंत विषारी अन् घातक असल्याची अफवा अज्ञातांकडून पसरविण्यात आली आहे. त्यामुळे डेपो परिसरातील वाड्या-वस्त्या तसेच अजिंक्यतारा पायथा परिसरातील नागरिकांनी या अफवेचा एकच धसका घेतला आहे.टँकरच्या १०० हून अधिक फेऱ्या...५० तासांहून अधिक काळ धुमसत असलेली ही आग विझविण्यासाठी एकूण १४ वाहनांच्या तीन दिवसांत १०० हून अधिक फेऱ्या झाल्याची माहिती प्रशासनाने दिली. आग नियंत्रणात आणण्यासाठी जलदगतीने पाणी मिळाले, या कामात खंड पडू नये यासाठी पालिकेकडून डेपोजवळ नवीन लाईन टाकण्यात आली आहे.
Web Summary : A fire at Satara's Songaon garbage depot, burning for three days, sparked panic due to rumors of toxic smoke. Firefighters from multiple municipalities are working to extinguish the blaze, which is only partially contained. Over 100 tanker trips have been made to combat the fire.
Web Summary : सतारा के सोनगाँव कचरा डिपो में आग, तीन दिनों से जल रही है, जहरीले धुएं की अफवाहों के कारण दहशत फैल गई। कई नगर पालिकाओं के दमकलकर्मी आग बुझाने में लगे हैं, जो आंशिक रूप से ही नियंत्रण में है। आग बुझाने के लिए 100 से अधिक टैंकरों के चक्कर लगाए गए हैं।