लसीकरणाच्या प्रत्येक प्रश्नाला जिल्हा परिषद देणार उत्तर

सांगली : कोरोना लसीसंदर्भात शंकासमाधानासाठी जिल्हा परिषदेने हेल्पलाइन सुरू केली आहे. लसीच्या संदर्भातील प्रत्येक प्रश्नाची उत्तरे हेल्पलाइनवर मिळणार आहेत.

लसीच्या तुटवड्यामुळे सामान्य नागरिकांत लसीकरणाविषयी गोंधळाचे वातावरण आहे. त्यांच्या शंकासमाधानासाठी हेल्पलाइन सुरू करण्याचा निर्णय मुख्य कार्यकारी अधिकारी जितेंद्र डुडी यांनी घेतला. लस कधी येणार, पहिला डोस कधी मिळणार, दुसरा डोस किती दिवसांनी मिळणार, आजारी अवस्थेत किंवा गर्भवतींनी लस घ्यायची का, जिल्ह्यात कोठेकोठे लसीकरण सुरु आहे, लसीसाठी नोंदणी करायची की थेट मिळणार या प्रश्नांची उत्तरे हेल्पलाइनवर मिळतील.

पहिली कोव्हॅक्सिन घेतली, दुसरी कोविशिल्ड चालेल का, दोन डोसमध्ये किती दिवसांचे अंतर ठेवायचे, लसीकरणानंतर आजारी पडल्यास काय काळजी घ्यायची, आज कोठे लसीकरण सुरू आहे. अशा सर्व प्रश्नांची माहिती मिळेल. जिल्हा परिषदेत सकाळी ८ रात्री ८ यावेळेत हेल्पलाइन नागरिकांचे शंकासमाधान करेल. लसींची उपलब्धता, पात्र लाभार्थी माहिती, शासनाकडून वेळोवेळी येणाऱ्या नवीन मार्गदर्शक सूचना यावरून मिळतील.

चौकट

येथे साधा संपर्क

लसीकरणासाठीचे हेल्पलाइन क्रमांक ०२३३-२३७३०३२, २३७४४६२ असे आहेत. याशिवाय covidvac.zpsangli@gmail.com या मेलवरही संपर्क साधता येईल. ग्रामीण भागासह महापालिका क्षेत्राचीही माहिती दिली जाईल, असे डुडी यांनी सांगितले.