कृष्णाच्या सक्षमीकरणासाठी सहकार पॅनलला विजयी करा

कामेरी (ता. वाळवा) येथे सहकार पॅनलच्या सभेत अतुल भोसले यांनी मार्गदर्शन केले. यावेळी सुनील पाटील, संजय पाटील, डॉ. रणजीत पाटील, शहाजी पाटील, छगन पाटील, बंडाकाका पाटील, तानाजी माने उपस्थित होते.

लोकमत न्यूज नेटवर्क

कामेरी : गेल्या पाच वर्षांत उच्चांकी ऊस दराची परंपरा कायम राखत पस्तीस कोटी रुपये किमतीची साखर सभासदांना मोफत दिली आहे. गेल्या निवडणुकीच्या जाहीरनाम्यातील वचनपूर्ती करणारे सुरेश भोसले यांचे सहकार पॅनल सत्तेत राहिले तरच भविष्यात कारखाना सक्षमपणे चालेल, असे प्रतिपादन अतुल भोसले यांनी केले.

कामेरी (ता. वाळवा) येथे य. मो. कृष्णा साखर कारखान्याच्या निवडणुकीच्या प्रचार सभेत अतुल भोसले बोलत होते. सुनील पाटील अध्यक्षस्थानी होते. यावेळी सहकार पॅनलचे उमेदवार संजय पाटील, डॉ. रणजीत पाटील यांची प्रमुख उपस्थिती होती.

यावेळी सयाजी पाटील, शहाजी पाटील, छगन पाटील, बंडाकाका पाटील, तानाजी माने, दिनकर बाबर, दिनेश जाधव, अशोक कुंभार, विलास माने, मारुती पाटील, रवींद्र पाटील, अशोक पाटील व सभासद उपस्थित होते.

चौकट

भविष्यामध्ये कारखान्याच्या नियोजन मंडळ व प्रशासनामध्ये आपल्या गावचे ज्येष्ठ नेते सुनील पाटील यांना योग्य ती संधी देऊ, अशी ग्वाही अतुल भोसले यांनी दिली.