शरद पवार यांच्या नेतृत्त्वाचा आम्हाला अभिमान

शिराळा : राष्ट्रवादी काँग्रेसचे अध्यक्ष, खासदार शरद पवार यांच्यासारखे बहुआयामी नेतृत्व देशाला लाभले. विशेष म्हणजे ते महाराष्ट्राच्या मातीतील आहे, याचा आम्हाला अभिमान वाटतो, असे प्रतिपादन आमदार मानसिंगराव नाईक यांनी केले.

शिराळा येथे खासदार शरद पवार यांच्या ८० व्या वाढदिवसानिमित्त ‘वर्चुअल रॅलीचे’ आयोजन केले होते. यावेळी आमदार नाईक बोलत होते.

ते म्हणाले, शरद पवार हे दूरदृष्टीचे नेते आहेत. वयाच्या ८० व्या वर्षीही त्यांच्या कामाचा आवाका युवकांना लाजवेल असा आहे. राज्याच्या, देशाच्या राजकारणातले अनेक चढ-उतार त्यांनी जवळून अनुभवले आहेत. एका सर्वसामान्य, शेतकरी कुटुंबातून पुढे येऊन झालेला राजकीय प्रवास थक्क करणारा आहे. सर्वसामान्य, शेतकरी, जनतेशी त्यांची नाळ कायम आहे. अनेक वादळे येऊनही ते डगमगले नाहीत. त्यामुळे वादळांना अनेकवेळा मार्ग बदलायला लावणाऱ्या आमच्या नेत्याचा आम्हा कार्यकर्त्यांना सार्थ अभिमान वाटतो.

तालुकाध्यक्ष विजयराव नलवडे यांनी स्वागत केले. यावेळी ‘विश्वास’चे संचालक दिनकरराव पाटील, मानसिंग पाटील, विश्वास कदम, सुरेश पाटील, विष्णू पाटील, बिरुदेव आंबरे, विश्वास पाटील, बाळासाहेब पाटील, शिवाजी पाटील, उपसभापती बी. के. नायकवडी, पंचायत समितीचे सदस्य मनीषा गुरव, प्रकाश धस, नगराध्यक्ष सुनीता निकम, उपनगराध्यक्ष विजय दळवी, रूपाली भोसले, राहुल पवार आदी उपस्थित होते. पौर्णिमा पवार यांनी आभार मानले.

फोटो-१२शिराळा०१

फोटो ओळी : शिराळा येथे राष्ट्रवादी काँग्रेसचे अध्यक्ष, खासदार शरद पवार यांचा वाढदिवस केक कापून साजरा करण्यात आला. यावेळी आमदार मानसिंगराव नाईक यांच्यासह पदाधिकारी उपस्थित होते.