विशाल पाटील यांच्यातर्फे लसीकरण जागर अभियान

सांगली : कोविड लसीकरण मोठ्या प्रमाणवर व्हावे, लोकांना त्याचे महत्त्व कळावे, यासाठी काँग्रेसचे युवा नेते विशाल पाटील यांनी प्रभागनिहाय लसीकरण जागृती अभियान हाती घेतले आहे. त्याची सुरुवात शनिवारी सांगलीतून करण्यात आली.

सांगलीतील काँग्रेस भवनाजवळ या अभियानाचे उद्घाटन करण्यात आले. लसीकरणासाठी शासकीय पातळीवर सध्या प्रयत्न सुरू असले, तरी समाजातूनही या कार्याला मदत मिळायला हवी म्हणून विशाल पाटील यांनी पुढाकार घेतला. लोकांना लसीकरणासाठी प्रोत्साहन देणे, त्यांच्यात जागृती करणे इतक्यापुरतीच ही योजना मर्यादित नसून नागरिकांना लसीकरण केंद्रापर्यंत नेण्यासाठी वाहन व्यवस्थानही करण्यात आली आहे. प्रत्येक प्रभागात ही वाहने जाऊन तेथील नागरिकांना लसीकरण केंद्रापर्यंत घेऊन जाणार आहेत. युवा नेते विशाल पाटील यांच्या या मोहिमेमुळे सर्वसामान्य, गोरगरीब आणि गरजू लसीकरण करणाऱ्या नागरिकांची मोठी सोय होणार आहे.

चौकट

केंद्रांचीही माहिती मिळणार

विशाल पाटील यांनी सुरू केलेल्या या अभियानातून लोकांना लसीकरण केंद्र कोठे आहे, लसीबद्दलची माहितीही दिली जाणार आहे. वयस्कर लोकांना बऱ्याचदा केंद्र माहीत असले, तरी त्याठिकाणी जाण्यास अडचणी येतात, मात्र या अभियानामुळे त्यांना मदत मिळणार आहे.