Twenty-one of the 25 mangrove plant Kasegaon's retired teacher confronts success stories, hard work | बारा गुंठ्यात २५ आंब्यांच्या झाडाची बाग । कासेगावच्या निवृत्त शिक्षकाने जपला छंद, कष्टाला यशाचे कोंदण
कासेगाव (ता. वाळवा) येथील रघुनाथ मारुती निकम यांनी घरच्या आमराईत आंब्यांचे भरघोस उत्पादन घेतले आहे.

ठळक मुद्दे दरवर्षी लाखावर नफा

प्रताप बडेकर ।
कासेगाव : छंद जपला की जीवनात नवी चेतना व उत्साह येत असतो. अशाच छंदातून कासेगाव (ता. वाळवा) येथील निवृत्त शिक्षकाने घरालगत १२ गुंठे जागेत पंचवीस आंब्यांची बाग लावली आहे. या आंब्यांच्या झाडांपासून त्यांना वर्षाकाठी एक लाख रुपयापेक्षा जास्त नफा मिळतो. आंबे चवीला अतिशय गोड असल्याने परिसरातून मोठी मागणीही आहे.

रघुनाथ मारुती निकम (वय ८०, रा. कासेगाव) असे त्यांचे नाव आहे. कासेगाव येथील नवीन महाविद्यालय रस्त्यालगत त्यांचे घर आहे. या घराच्या पाठीमागील मोकळ्या जागेत त्यांनी १९८० मध्ये २५ आंब्याची कलमी रोपे लावली. यामध्ये २० रोपे केशर व पाच रोपे हापूस आंब्याची होती. दोन वर्षांनंतर त्या झाडांना आंबे लागण्यास सुरुवात झाली. सुरुवातीला कमी प्रमाणात आंबे लागले होते, मात्र तीन वर्षांनंतर भरपूर प्रमाणात आंबे लागण्यास सुरुवात झाली.

आता दरवर्षी प्रत्येक झाडापासून १००० पेक्षा जास्त आंबे मिळत आहेत. सर्व मिळून वर्षाला ३० हजारावर आंबे मिळतात. हे सर्व आंबे घरातच नैसर्गिकरित्या पिकवले जातात. त्याची विक्रीही घरातूनच होते. परिसरातील लोकांना या आंब्याची चव व प्रत माहिती असल्याने ते घरी येऊन घेऊन जातात. निकम यांनी लहानपणापासूनच असलेल्या निसर्ग, झाडांचे संगोपनाच्या आवडीला कृतीत उतरविले.

 


Web Title:  Twenty-one of the 25 mangrove plant Kasegaon's retired teacher confronts success stories, hard work
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.