विटा वकील संघटनेचे सुरेश घोरपडे अध्यक्ष

विटा : विटा वकील संघटनेच्या अध्यक्षपदी अ‍ॅड. सुरेश ऊर्फ बाळासाहेब घोरपडे यांची, तर उपाध्यक्षपदी अ‍ॅड. शौर्या सुरेश पवार यांची एकमताने निवड करण्यात आली. यावेळी सचिवपदी अ‍ॅड. प्रवीण बागल व सहसचिवपदी अ‍ॅड. प्रकाश माळी यांचीही निवड करण्यात आली. विटा येथे वकील संघटनेच्या वार्षिक सभेत नूतन पदाधिकाऱ्यांच्या निवडी करण्यात आल्या.

संघटनेच्या मावळत्या अध्यक्षा अ‍ॅड. शुभांगी पाटील व सचिव अ‍ॅड. वैभव माने यांच्याहस्ते नूतन पदाधिकाऱ्यांचा सत्कार करण्यात आला. यावेळी अ‍ॅड. बी. एच. कदम, अ‍ॅड. एम. बी. कदम, अ‍ॅड. सुरेश पवार, अ‍ॅड. बी. ए. गायकवाड, अ‍ॅड. उदयसिंह यादव, अ‍ॅड. सचिन जाधव, अ‍ॅड. धर्मेश पाटील, अ‍ॅड. तानाजी जाधव, अ‍ॅड. प्रमोद देशमुख, अ‍ॅड. राजेंद्र भिंगारदेवे, अ‍ॅड. विद्या उथळे, अ‍ॅड. स्वप्नाली माने, अ‍ॅड. कल्याणी कदम यांच्यासह वकील उपस्थित होते.

चौकट

मान्यवरांकडून सत्कार

विटा वकील संघटनेच्या नूतन सर्व पदाधिकाऱ्यांचा शुक्रवारी दुपारी विटा अर्बन सोसायटीच्या सभागृहात राष्ट्रवादी कॉँग्रेसचे प्रदेश प्रतिनिधी माजी आमदार सदाशिवराव पाटील यांच्याहस्तेही सत्कार करण्यात आला. यावेळी जेष्ठ नेते गंगाधर लकडे, दत्तोपंत चोथे, सरव्यवस्थापक सतीश पाटील, विश्वनाथ कांबळे, नगरसेवक अ‍ॅड. विजय जाधव, विलासराव कदम उपस्थित होते.

फोटो - ०१०१२०२१-विटा-वकील संघटना :

फोटो ओळ : विटा येथे वकील संघटनेच्या नूतन पदाधिकाऱ्यांचा मावळत्या अध्यक्षा शुभांगी पाटील यांच्याहस्ते सत्कार करण्यात आला. यावेळी अ‍ॅड. वैभव माने यांच्यासह वकील उपस्थित होते.