आरगच्या सरपंचपदी सुरेखा नाईक

आरग ग्रामपंचायतीत एकूण १७ सदस्य आहेत. यंदा प्रथमच तिरंगी लढतीत कोणत्याही स्थानिक आघाडीला स्पष्ट बहुमत मिळाले नाही. त्यामुळे बहुमतासाठी अपक्ष उमेदवार हा सत्तास्थापनेसाठी महत्त्वाचा ठरला. यंदा निवडणुकीत युवा शेतकरी पॅनलचे ४ उमेदवार व विकास आघाडी पॅनलचे ४ उमेदवार विजयी झाले. बहुमतासाठी एकूण ९ सदस्य संख्या आवश्यक होती. अपक्ष उमेदवार विनोद सिद्राम बुरुड यांनी युवा विकास आघाडी पॅनलला पाठिंबा दिला. सरपंचपदासाठी तीन व उपसरपंचपदासाठी चार उमेदवारांनी अर्ज दाखल केला. सरपंचपदी सुरेखा नाईक व उपसरपंचपदी विनोद बुरुड यांची निवड झाली. सरपंचपद नागरिकांचा मागास प्रवर्ग महिलेसाठी आरक्षित झाले होते. निवडणूक अधिकारी म्हणून ग्रामसेवक नागेश कोरे यांनी काम पाहिले. नवनिर्वाचित सरपंच व उपसरपंच यांचा सत्कार करण्यात आला.