योगासनांच्या परीक्षेत सांगलीच्या चौघांचे यश

लोकमत न्यूज नेटवर्क

सांगली : नॅशनल योगासन स्पोर्टस फेडरेशनशी संलग्न महाराष्ट्र योगासन स्पोर्टस असोसिएशनतर्फे आयोजित राज्यस्तरीय ऑनलाईन जजेस व रेफरी

परीक्षेत सांगलीच्या चौघांनी यश मिळविले. प्रशिक्षणातून जजेस म्हणून शकुंतला खोत व शैलेश कदम यांची; तर रेफरी म्हणून मोहन कवठेकर व अर्चना कवठेकर यांनी यश मिळविले.

महाराष्ट्र योगासन स्पोर्टस्‌ असोसिएशनतर्फे राज्यस्तरीय ऑनलाईन जजेस व रेफरी ओरिएंटेशन कार्यक्रम घेण्यात आला. यासाठी अनुभवी योगशिक्षक व व्यावसायिक योगासनपटू यांच्यकडून प्रशिक्षणासाठी पात्रताधारकांना ऑनलाईन प्रात्यक्षिक व लेखी परीक्षेद्वारे प्रशिक्षण देण्यात आले. या प्रशिक्षणात ६० टक्क्यांहून अधिक गुण मिळविणाऱ्या प्रशिक्षकांना नियोजित स्पर्धांमध्ये प्रमाणित जजेस व रेफरी म्हणून काम करण्याची संधी दिली आहे. राष्ट्रीय पंच सुहास पवळे यांचे त्यांना मार्गदर्शन लाभले.