सोनाली कुरणे यांची मानवाधिकार संघटनेच्या महिला जिल्हाध्यक्षपदी निवड

ओळ : डॉ. सोनाली कुरणे यांची मानवाधिकार संघटनेच्या जिल्हाध्यक्षपदी निवड झाल्याबद्दल समीर गायकवाड, सूर्यकांत जुगदर, दीपक आवटी, सिराज मुजावर यांनी त्यांचा सत्कार केला.

लोकमत न्यूज नेटवर्क

आष्टा : येथील डॉ. सोनाली सुहास कुरणे यांची आंतरराष्ट्रीय मानवाधिकार संघटनेच्या सांगली जिल्हा महिला अध्यक्षपदी निवड झाली आहे.

डॉ. सोनाली कुरणे या सामाजिक क्षेत्रात अग्रेसर आहेत. जायंट्स ग्रुप ऑफ सहेलीचे अध्यक्ष म्हणून त्यांनी काम पाहिले आहे. कोरोना संकटकाळात पोलीस मित्रासह समाजातील विविध वर्गातील गोरगरिबांना मदत करण्याचे काम त्यांनी केले आहे. त्यांनी केलेल्या सामाजिक कार्याची दखल घेऊन आंतरराष्ट्रीय मानवाधिकार संघटनेच्या सांगली जिल्हा अध्यक्षपदी त्यांची बिनविरोध निवड करण्यात आली. याबद्दल त्यांचा जायन्ट्सचे अध्यक्ष समीर गायकवाड, सचिव सूर्यकांत जुगदर, सिराज मुजावर, दीपक आवटी यांच्याहस्ते सत्कार करण्यात आला.