तडसर येथे ब्रेक द चेनसाठी सरसावली ग्रामसमिती

फोटो ओळ : तडसर (ता. कडेगाव) येथे ब्रेक द चेनसाठी कंटेन्मेंट झोन व प्रतिबंधात्मक उपाययोजना करताना सरपंच हणमंतराव पवार, पवन पवार आदींसह सदस्य उपस्थित होते.

कडेगाव : तालुक्यातील तडसर येथे कोरोना दक्षता समितीने कोरोनाचा संसर्ग कमी करण्यासाठी विविध उपाययोजना राबविल्या आहेत. सर्व नियमांची काटेकोरपणे अंमलबजावणी केली जात आहे.

शासनाच्या ‘ब्रेक द चेन मोहिमे’अंतर्गत पाच किंवा त्यापेक्षा जास्त रुग्ण सापडलेला परिसर कन्टेंन्टमेंट झोन घोषित करण्यात येणार आहे. या क्षेत्रात ये-जा करण्यास बॅरिकेडस्‌ लावून मज्जाव करण्यात आला आहे.

विना मास्क फिरणाऱ्यांवर दंडात्मक कारवाई करण्यात आली. विनाकारण फिरणाऱ्यांची अँटिजन चाचणी करण्यात येत आहे.

गावात जंतुनाशकाची फवारणी करण्यात येत आहे. ग्राम दक्षता समिती अध्यक्ष सरपंच हणमंतराव पवार, ग्रामपंचायत सदस्य प्रवीण पवार, पवन पवार, दत्तात्रय कुंभार, तलाठी सचिन कांबळे, ग्रामसेवक अश्विनी सारुख आशा सेविका व आरोग्य उपकेंद्रातील कर्मचारी, अंगणवाडी सेविका, ग्रामपंचायत कर्मचारी कार्यरत आहेत.