राणे यांच्या अटकेचे इस्लामपूर, शिराळ्यात पडसाद

इस्लामपूर येथे केंद्रीय मंत्री नारायण राणे यांच्या अटकेचा निषेध करण्यासाठी महाडिक समर्थकांनी सरकारच्या प्रतिकात्मक पुतळ्याला जोडेमार आंदोलन केले. यावेळी सतीश महाडिक, नगरसेवक अमित ओसवाल, चेतन शिंदे, कपिल ओसवाल, मन्सूर वाठारकर उपस्थित होते.

लोकमत न्यूज नेटवर्क

इस्लामपूर : केंद्रीय मंत्री नारायण राणे यांना महाविकास आघाडी सरकारने पूर्वग्रहदूषितपणे केलेल्या अटकेच्या निषेधार्थ भाजपमधील महाडिक समर्थकांसह रयत क्रांती संघटनेच्यावतीने इस्लामपूर व शिराळा येथे निदर्शने करण्यात आली. यावेळी महाविकास आघाडी सरकारच्या प्रतिकात्मक पुतळ्याला जोडे मारून निषेध करण्यात आला.

सतीश महाडिक म्हणाले, भाजपाच्या जन आशीर्वाद यात्रेमुळे महाविकास आघाडी सरकारच्या पायाखालची वाळू सरकली आहे. त्यामुळे त्यांनी बेकायदेशीररित्या केंद्रीय मंत्री नारायण राणे यांना अटक केली.

सागर खोत म्हणाले, अफगाणिस्तानमधील तालिबानी परिस्थिती आज महाराष्ट्रात या तिघाडी सरकारने केली आहे.

यावेळी प्रवीण चिकुर्डेकर, मोहसीन पटवेगार, मन्सूर मोमीन, जलाल मुल्ला, सत्यवान रासकर, प्रा. दत्तात्रय पाटील, यश माळी, अमोल ठाणेकर, सागर जाधव, अजित पाटील उपस्थित होते.

शिराळा येथे आंदोलनात नगरसेवक केदार नलवडे म्हणाले, महापुराची मदत शेतकऱ्यांना देण्याकडे दुर्लक्ष करीत आघाडी सरकारमधील काही मंत्री फक्त खुनशी राजकारण करीत आहेत.

रामभाऊ जाधव, विकास रोकडे, राहुल खबाले, रोहित देसाई, हारून शेख, सचिन दिवटे, सौरभ नलावडे, वैभव इंगवले, अभिनव नलावडे, अशोक पाटील आदी उपस्थित होते.