जयंत लिगमधून राष्ट्रीय कबड्डी खेळाडू नावारुपास येतील

इस्लामपूर : प्रो-कबड्डी, महाकबड्डीने कबड्डी खेळास घराघरापर्यंत नेत देशातील, राज्यातील खेळाडूंना व्यावसायिक व्यासपीठ मिळवून दिले आहे. जयंत कबड्डी लीगमध्ये खेळणाऱ्या खेळाडूंनाही व्यावसायिक व्यासपीठ मिळेल. या लीगमधून अनेक राष्ट्रीय, आंतरराष्ट्रीय कबड्डीपटू घडतील, असा विश्वास जलसंपदा मंत्री जयंत पाटील यांनी व्यक्त केला.

येथील जयंत स्पोर्ट्सतर्फे जयंत पाटील यांच्या वाढदिवसानिमित्त आयोजिय जयंत कबड्डी प्रीमियर लीगचे पाटील यांच्याहस्ते उदघाटन करण्यात आले. यावेळी युवा नेते प्रतीक पाटील, मुख्य संयोजक, नगरसेवक खंडेराव जाधव, सांगली जिल्हा कबड्डी असो.चे अध्यक्ष रामभाऊ घोडके, पुणे जिल्हा उपकार्याध्यक्ष अण्णासाहेब देशमुख, उपनगराध्यक्ष दादासाहेब पाटील, आंतरराष्ट्रीय कबड्डीपटू नितीन मदने उपस्थित होते. जिल्हा कबड्डी संघटनेच्या मान्यतेने ही लिग पाच दिवस चालणार आहे.

खंडेराव जाधव म्हणाले, जयंत स्पोर्ट्सने तालुक्यातील खेळाडूंना प्रोत्साहन देण्यासाठी ही कबड्डी लीग घेतली आहे. यानंतर महाकबड्डी घेण्याचा आमचा प्रयत्न आहे. पूर्वी आम्ही इस्लामपूर व्यायाम मंडळाच्यावतीने जयंत पाटील यांच्या मार्गदर्शनाखाली राजारामबापू सुवर्ण चषक राज्यस्तरीय स्पर्धा १० वर्षे घेत अनेक राष्ट्रीय खेळाडू घडविले आहेत. आम्ही प्रतिराज फौंडेशनच्या माध्यमातून अनेक लोकोपयोगी उपक्रम राबवित आहोत.

प्रारंभी सर्व खेळाडू, संघ मालक यांची प्रतीक पाटील, खंडेराव जाधव यांच्यासह शहरातून मिरवणूक काढण्यात आली. राष्ट्रीय खेळाडू अभिषेक भुंगे याने खेळाडूंना शपथ दिली. यावेळी संघ मालकांचा सत्कार करण्यात आला. यावेळी केक कापून पाटील यांचा वाढदिवस साजरा करण्यात आला. राष्ट्रवादीचे शहर उपाध्यक्ष राजवर्धन लाड, विजय लाड यांच्यावतीने पाटील यांना युवा लिननचा आहेर करण्यात आला. किशोर गावडे (मुंबई), प्रसाद कुलकर्णी (राजारामनगर) यांनी सूत्रसंचालन केले.

स्पर्धेच्या पहिल्यादिवशी शरद लाहिगडे हरिकन्स विरुद्ध जगदीश आप्पा पाटील रायडर्स, तसेच स्फूर्ती रॉयल्स विरुद्ध राजेंद्रभाऊ पाटील फायटर्स यांच्यामध्ये सामने खेळविण्यात आले. यावेळी विनायक पाटील, पै. भगवान पाटील, शहाजी पाटील, बाळासाहेब पाटील, देवराज पाटील, रणजित पाटील, रूपाली जाधव, छाया पाटील, रोझा किणीकर, सुभाषराव सूर्यवंशी, लिंबाजी पाटील, ब्रह्मनंद पाटील, अतुल लाहिगडे, पृथ्वीराज पाटील, शिवाजी पवार उपस्थित होते.

फोटो ओळी- १६०२२०२१-आयएसएलएम-इस्लामपूर कबड्डी न्यूज

इस्लामपूर येथील जयंत प्रीमियर कबड्डी लीगच्या उद्घाटन समारंभात जयंत पाटील यांनी मार्गदर्शन केले. यावेळी प्रतीक पाटील, खंडेराव जाधव, अण्णासाहेब देशमुख, शहाजी पाटील, देवराज पाटील उपस्थित होते.