सैन्य दलातील जवान हे भारतमातेचे भूषण

कडेगाव :

भारतीय सैन्य दलात विविध संकटांना सामोरे जात देशाचे रक्षण करणारे जवान भारतमातेचे भूषण आहेत. अशा सैनिकांचा जनतेला अभिमान असतो. आपल्या गावचे सुपुत्र देशाचे रक्षण करतात. त्यांचा अभिमान बाळगून त्यांचा आदर्श गावातील नव्या उमेदीच्या तरुण पिढीने घ्यावा, असे प्रतिपादन आमदार मोहनराव कदम यांनी केले.

तडसर (ता. कडेगाव) येथील प्रवीण हिंदुराव पवार हे सैनिक सेवानिवृत्त झाल्याबद्दल त्यांचा ग्रामस्थांच्या वतीने आमदार मोहनराव कदम यांच्या हस्ते सत्कार करण्यात आला. यावेळी आमदार मोहनराव कदम बोलत होते. प्रवीण पवार म्हणाले, माझ्या गावात आपुलकीने माझा सन्मान झाला, याचा गर्व नक्कीच आहे. भारतीय सैन्य दलातील चांगली सेवा देता आली. याचा अभिमानही आहे.

यावेळी प्रवीण पवार यांच्या मातोश्री सुलोचना पवार यांचाही सत्कार झाला. यावेळी काँग्रेसचे तालुकाध्यक्ष प्रकाश जाधव, सरपंच हणमंत पवार, सुरज पवार, दीपक पवार, उद्योजक राजेंद्र पवार, संजय माळी, महेंद्र पवार आदी उपस्थित होते.

धनंजय नरुले यांनी सूत्रसंचालन केले. दीपक पवार यांनी आभार मानले.

फोटो-२९कडेगाव१

फोटो ओळ : तडसर (ता. कडेगाव) येथे सेवानिवृत्त सैनिक प्रवीण पवार यांचा आमदार मोहनराव कदम यांच्या हस्ते सत्कार करण्यात आला. यावेळी हणमंत पवार, सुलोचना पवार, प्रकाश जाधव, सुरज पवार उपस्थित होते.