सांगली : जिल्ह्यातील सहा नगरपरिषदा आणि दोन नगरपंचायतींच्या निवडणुकीत सर्वाधिक १४१ उमेदवार ‘कमळ’ चिन्हावर, तर १०३ उमेदवार 'घड्याळ' चिन्हावर निवडणूक लढवत आहेत. धनुष्यबाण चिन्हावर ७७, तर तुतारी चिन्हावर ५३ उमेदवार रिंगणात आहेत. सर्वात कमी काँग्रेसने ४२, तर उद्धवसेनेने केवळ नऊ जागांवर उमेदवार उभे केले आहेत. या कंबरदणातील लक्षवेधी नगरपालिका निवडणुकीत कोण बाजी मारणार, याकडे जिल्ह्यातील मतदारांचे लक्ष लागले आहे. या निवडणुकांवरच सर्व पक्षांच्या नेत्यांचे जिल्हा परिषद, पंचायत समिती, महापालिका निवडणुकीतील भविष्य अवलंबून आहे.राज्य आणि केंद्रात महायुती आणि महाविकास आघाडी आहे; परंतु नगरपालिका निवडणुकीत महायुती आणि महाविकास आघाडीत तणावाचे चित्र दिसते. जिल्ह्यातील उरुण-ईश्वरपूर, आष्टा, पलूस, तासगाव, विटा, जत या सहा नगरपरिषदा आणि शिराळा, आटपाडी नगरपंचायतींच्या निवडणुकीत सर्व पक्षांनी प्रतिष्ठेची लढत केली आहे. प्रत्येक पक्षाचा नेता नंबर एक होण्यासाठी कंबर कसून उभा ठाकला आहे. एकेकाळी राष्ट्रवादी काँग्रेस आणि काँग्रेसचा बालेकिल्ला अशी जिल्ह्याची ओळख होती, मात्र काँग्रेस आता केवळ पलूस आणि जत या दोन ठिकाणीच आपल्या चिन्हावर लढत आहे. राष्ट्रवादी काँग्रेसशरद पवार पक्षाचे नेते आमदार जयंत पाटील यांनी उरुण-ईश्वरपूरमध्ये तुतारी चिन्हावर उमेदवार उभे केले आहेत, तर त्याच मतदारसंघातील आष्टा नगरपालिकेसाठी आष्टा शहर विकास आघाडी नेत्यांनी उमेदवार दिले आहेत. जिल्ह्यातील आठ नगरपालिकांमध्ये तुतारी चिन्हावर केवळ ५३ उमेदवार रिंगणात आहेत. शिंदेसेनेकडून चार नगरपालिकांमध्ये नगराध्यक्षपदासाठी आणि नगरसेवकपदांसाठी एकूण ७७ उमेदवार रिंगणात उतरवले गेले आहेत.शिंदेसेनेकडून जत, तासगाव, पलूस, विटा आणि आटपाडी या नगरपालिकांमध्ये महायुतीविरोधात दंड थोपटले आहे. सांगली-लोकसभा निवडणूक मैदानात उतरविणाऱ्या उद्धवसेनेकडून पलूस नगराध्यक्षपदासाठी तसेच पाच उमेदवार आणि तासगाव नगरपालिकेसाठी पाच उमेदवार असे एकूण १० उमेदवार निवडणूक लढवत आहेत.राष्ट्रवादी काँग्रेसचे नेते, उपमुख्यमंत्री अजित पवार यांनी पक्षातील नाराज नेत्यांची मोठी बांधणी करून एकूण १०३ उमेदवार रिंगणात उतरवले आहेत. अजित पवारांच्या घड्याळाला शिराळ्यात जिल्हा बँक अध्यक्ष मानसिंगराव नाईक आणि माजी मंत्री शिवाजीराव नाईक यांचा पाठिंबा मिळत आहे. जतमध्ये माजी आमदार विलासराव जगताप यांनी तुतारीचे नेते सुरेश शिंदे यांच्या हातात घड्याळ बांधून नगराध्यक्षपदासाठी उमेदवार उभा केला आहे.
आठ पालिकांतील पक्षनिहाय नगरसेवकपदांसाठी उमेदवार संख्या
- भाजप : १४१
- राष्ट्रवादी काँग्रेस : १०३
- काँग्रेस : ४२
- राष्ट्रवादी काँग्रेस शरद पवार पक्ष : ५३
- शिंदेसेना : ७७
- उद्धवसेना : ९
सहा ठिकाणी भाजपच्या उमेदवारांची लढतसहा पालिकांमध्ये नगराध्यक्षपदांसाठी भाजप, राष्ट्रवादीचे उमेदवारसहा नगरपरिषदा आणि दोन नगरपंचायतींच्या निवडणुकीत नगराध्यक्षपदाच्या आठ जागांपैकी उरुण-ईश्वरपूर, पलूस, विटा, तासगाव, आटपाडी, जत या सहा ठिकाणी भाजपचे उमेदवार लढत देत आहेत. शिराळा, आष्टा, पलूस, जत, विटा, तासगाव या सहा ठिकाणी राष्ट्रवादी काँग्रेसच्या घड्याळ चिन्हावर उमेदवार उभे आहेत. राष्ट्रवादी काँग्रेस शरद पवार पक्ष आणि काँग्रेस यांनी प्रत्येकी दोन ठिकाणी नगराध्यक्षपदासाठी उमेदवार दिले आहेत. शिंदेसेना विटा, आटपाडी, शिराळा, जत या ठिकाणी, तर उद्धवसेनेने तासगाव येथे नगराध्यक्षपदासाठी उमेदवार दिला आहे.
Web Summary : Sangli's local elections see BJP and NCP with the most candidates. Congress and Uddhav Sena have fewer. All eyes are on the results as they impact future elections.
Web Summary : सांगली के स्थानीय चुनावों में भाजपा और राकांपा के सबसे अधिक उम्मीदवार हैं। कांग्रेस और उद्धव सेना के कम हैं। सभी की निगाहें नतीजों पर हैं क्योंकि इससे भविष्य के चुनावों पर असर पड़ेगा।