ढगेवाडीच्या उपसरपंचपदी किरण पोर्लेकर

ढगेवाडी( ता. वाळवा ) येथील उपसरपंचपदी निवड झाल्याबद्दल किरण पोर्लेकर यांचा सत्कार सरपंच मनीषा खोत यांच्या हस्ते करण्यात आला. यावेळी कृष्णत ढगे, संदीप सावंत, रघुनाथ जाधव उपस्थित होते.

लोकमत न्यूज नेटवर्क

ऐतवडे बुद्रुक : ढगेवाडी (ता. वाळवा) येथील उपसरपंचपदी भाजपचे किरण तानाजी पोर्लेकर यांची बिनविरोध निवड झाली. सरपंच मनीषा खोत यांच्या अध्यक्षतेखाली ही निवड झाली.

उपसरपंच डॉ. संजय ढगे यांनी उपसरपंच पदाचा राजीनामा दिल्यानंतर रिक्त झालेल्या उपसरपंच पदासाठी गावातील अनेक जण उत्सुक होते. मात्र भाजपच्या किरण पोर्लेकर यांनी यामध्ये बाजी मारली. उपसरपंच पदासाठी बुधवारी झालेल्या निवडणुकीमध्ये त्यांचा एकमेव अर्ज असल्यामुळे त्यांची बिनविरोध निवड जाहीर करण्यात आली. यावेळी सुभाष माने, शंकर कचरे, दिलीप माने, संदीप सावंत, मोहन सावंत, वैभव माने, ग्रामसेविका लतिका जाधव, कृष्णात ढगे, रघुनाथ जाधव, नागनाथ खोत आदी उपस्थित होते.

चौकट

दोन गटात बाचाबाची

उपसरपंच निवडणूक झाल्यानंतर उपसरपंच कोणत्या गटाचा, यावरून भाजपच्या दोन गटात जोरदार बाचाबाची झाली. काहींनी मध्यस्ती करून वादावर पडदा टाकण्यात आला.