इस्लामपूर व्यायाम मंडळ जिल्ह्याची क्रीडा पंढरी

इस्लामपूर : इस्लामपूर व्यायाम मंडळ ही संस्था सांगली जिल्ह्याची क्रीडापंढरी म्हणून ओळखली जाते. व्हॉलिबॉल आणि कबड्डीची दिग्विजयी परंपरा नव्या खेळाडूंना प्रेरणा देणारी आहे. एकाच छताखाली ३०० हून अधिक मुले इथे क्रीडांगणावर येतात, हे उद्याच्या पिढीचे भवितव्य उज्वल आहे, याची साक्ष देणारे मंडळाचे काम कौतुकास्पद आहे, असे गौरवोद्गार युवा नेते प्रतीक पाटील यांनी काढले.

येथील हुतात्मा स्मारकातील इस्लामपूर व्यायाम मंडळाच्या मैदानावर शासनाचा उत्कृष्ट जिल्हा क्रीडा मार्गदर्शक पुरस्कार मिळालेले राष्ट्रीय कबड्डीपटू सतीश मोरे यांचा सत्कार प्रतीक पाटील यांच्याहस्ते करण्यात आला. मंडळाचे मार्गदर्शक शिवछत्रपती पुरस्कार विजेते आंतरराष्ट्रीय कबड्डी प्रशिक्षक पोपट पाटील, मानसिंग पाटील यांनी त्यांचे स्वागत केले. जिल्हा व्हॉलिबॉल संघटनेच्या अध्यक्षपदाची धुरा स्वीकारल्यानंतर प्रतीक पाटील यांनी पहिल्यांदाच या मैदानावर हजेरी लावली.

पोपट पाटील यांनी मंडळाच्या यशोदायी कारकीर्दीची प्रतीक पाटील यांना माहिती दिली. त्यानंतर त्यांनी कबड्डी आणि व्हॉलिबॉल खेळाडूंशी संवाद साधला. दोन्ही खेळांचे प्रदर्शनीय सामने पाहिले. व्यायाम मंडळातील खेळाडूंची शिस्त, वक्तशिरपणा आणि कष्टाची तयारी या बाबी पाहून प्रतीक पाटील यांनी समाधान व्यक्त केले. त्यानंतर जिल्हा व्हॉलिबॉल संघटनेचे मुख्यालय असणाऱ्या कार्यालयात जाऊन गेल्या ३५ वर्षांच्या क्रीडा कारकीर्दीची सचित्र माहिती घेतली.

यावेळी मामा इटकरकर, विश्वास साळुंखे, राजेंद्र सातपुते, विश्वास भावे, राजू देसाई, मुख्याध्यापक संजय ढोबळे-पाटील, आनंदराव वडार, जालिंदर जाधव, व्हॉलिबॉल प्रशिक्षक प्रकाश पाटील, सूरज पाटील, नितीन मदने, क्रीडाधिकारी जमीर अत्तार, राहुल पवार, प्रा. संदीप पाटील, श्रीकांत पाटील, आर. एच. जाधव, महादेव पाटील, उद्योजक रणजित पाटील, स. पो. नि. अभिजित पाटील, जयकर पाटील, अ‍ॅड. सुयोग पाटील, संजय जाधव, कुमार वडार, सचिन पाटील, प्रशांत घोरपडे, महेश वडार, गौरव इंगळे, वैभव उरुणकर, अमोल खोत, विकास पवार, किरण परीट उपस्थित होते.

फोटो -१६०२२०२१-आयएसएलएम-इस्लामपूर क्रीडा न्यूज

इस्लामपूर येथे राष्ट्रीय कबड्डीपटू सतीश मोरे यांचा सत्कार प्रतीक पाटील यांच्याहस्ते करण्यात आला. यावेळी पोपट पाटील, आनंदराव वडार, विश्वास साळुंखे, नितीन मदने, प्रशांत घोरपडे उपस्थित होते.