शिराळा तालुक्यात ग्रामपंचायत आरक्षण साेडत जाहीर

शिराळा : तालुक्यातील ९१ ग्रामपंचायतींसाठी सरपंच आरक्षण सोडत पार पडली. यामध्ये अनेक कार्यकर्त्यांची घोर निराशा झाली तर काहींच्या चेहऱ्यावर खुशी दिसत होती.

तहसीलदार कार्यालयाच्या सभागृहात सहायक जिल्हाधिकारी आरोशी सिंग, प्रांताधिकारी नागेश पाटील, तहसीलदार गणेश शिंदे यांच्या उपस्थितीत ही सोडत घेण्यात आली.

यावेळी नायब तहसीलदार व्ही. डी. महाजन, नायब तहसीलदार अरुण कोकाटे, सचिन पालसंडे, सुखदेव पाटील, रामचंद्र पाटील या आदींसह नागरिक मोठ्या संख्येने उपस्थित होते.

यावेळी एखाद्या गावाबाबत आरक्षण आपल्या मनासारखे नाही पडले की अनेकजण निराश होऊन बाहेर पडत होते, तर मनासारखे आरक्षण पडले की आनंद ही व्यक्त करीत होते. नुकत्याच झालेल्या निवडणुकीतील बिळाशी येथे नागरिकांचा मागास प्रवर्ग स्त्री तर जांभळेवाडी येथे सर्वसाधारण पद आहे.

ग्रामपंचायत आरक्षण पुढीलप्रमाणे

अनुसुचित जाती : भाटशिरगाव, मांगरूळ, पाडळीवाडी, कांदे.

अनुसूचित जाती स्त्री : खेड, कणदूर, पाडळी, रांजणवाडी, कंरुगली.

नागरिकांचा मागास प्रवर्ग : इंगरुळ, वाकुर्डे बुद्रूक, चिखलवाडी, बांबवडे, फकिरवाडी, ढोलेवाडी, वाडीभागाई, मांगले, अंत्री खुर्द, अस्वलेवाडी, नाटोली, हात्तेगाव.

नागरिकांचा मागास प्रवर्ग स्त्री राखीव : चिखली, खराळे, तडवळे, कापरी, धामवडे, बिळाशी, कांळुद्रे, वाकुर्डे खुर्द, चिंचेवाडी, कुसळेवाडी, मोहरे, भैरेवाडी, कदमवाडी.

सर्वसाधारण : पांचुब्री, रिळे, शिरसटवाडी, प. त. वारुण, पुनवत, मानेवाडी, देववाडी, औढी, गिरजवडे, करमाळे, किनरेवाडी, घागरेवाडी, शेडगेवाडी, सावंतवाडी, येळापूर, शिंदेवाडी, खिरवडे, पावलेवाडी, आंबेवाडी, रेड, निगडी, धसवाडी, प. त. शिराळा, शिवारवाडी, कोंडाईवाडी, खुजगाव, उपवळे, जांभळेवाडी,

सर्वसाधारण स्त्री : पाचगणी, आरळा, बेलदारवाडी, गुढे, शिरशी, लादेवाडी, शिराळे खुर्द, फुपीरे, गवळेवाडी, मराठेवाडी, बिऊर, मादळगाव, टाकवे, माळेवाडी, मेणी, मोरेवाडी, सोनवडे, भटवाडी, कुसाईवाडी, खुंदलापूर, नाठवडे, बेलेवाडी, चिंचोली, कोकरुड, चरण, मणदुर, वाकाईवाडी, सागांव, अंत्रीबुद्रूक