नाभिक बांधवांना महिन्याला ५० हजार द्या

फोटो- इस्लामपूर येथे सलून पार्लरसमोर सदाभाऊ खोत यांनी आंदोलन केले. यावेळी संदीप झेंडे, नीलेश सूर्यवंशी, सर्फराज डाके, अतुल सूर्यवंशी, मोहसीन पटवेकर उपस्थित होते.

लोकमत न्यूज नेटवर्क

इस्लामपूर : राष्ट्रीय नाभिक संघटना व रयत क्रांती संघटना यांच्या वतीने राज्यातील नाभिक बांधवांच्या व्यथा सरकारपर्यंत पोहचविण्यासाठी सलून पार्लरसमोर आंदोलन करण्यात आले. रयत क्रांती संघटनेचे अध्यक्ष आमदार सदाभाऊ खोत यांनी इस्लामपूर येथे मागण्यांचे फलक हातात धरून घोषणा देत सरकारचा निषेध केला.

आमदार खोत म्हणाले, कोरोनाच्या महामारीमध्ये राज्यातील अनेक सलून व्यावसायिकांनी आर्थिक संकटामुळे आत्महत्या केल्या आहेत. या आत्महत्या केलेल्या नाभिक बांधवांना सरकारने कोणतीही मदत केलेली नाही. गेली अनेक दिवस सरकारने लॉकडाऊन केल्यामुळे सलून दुकाने उघडता आली नाहीत. अनेक नाभिक बांधवांची दुकाने भाड्याने आहेत. त्याचे भाडे, वीजबिल त्यांच्या अंगावर आले आहे. जर सरकारला दुकाने बंद ठेवायची असतील तर सलून व्यावसायिकांना सरकारने प्रतिमहिना ५० हजार रुपये मदत देऊन त्यांच्या पोटापाण्याची व्यवस्था करावी. जर सरकार त्यांच्या पोटापाण्याची व्यवस्था करणार नसेल तर पुढे तीव्र आंदोलन करू.

यावेळी लालासाहेब पाटील, बजरंग भोसले, संदीप झेंडे, नीलेश सूर्यवंशी, मोहसीन पटवेकर, सर्फराज डाके, अजित शिंदे, गणेश सूर्यवंशी, वसंतराव गायकवाड, अतुल सूर्यवंशी, विनोद सूर्यवंशी, तोसिफ इबुसे, महमद इबुसे, जितेंद्र सूर्यवंशी उपस्थित होते.