आष्ट्यात साडेचार फूट मगर सापडल्याने खळबळ

आष्टा : आष्टा येथील बसुगडे मळा परिसरात साडेचार फूट मगर आढळल्याने शेतकऱ्यांमध्ये भीतीचे वातावरण पसरले आहे. बसुगडे मळा परिसरात पहिल्यांदाच मगर दिसल्याने खळबळ उडाली हाेती.

आष्टा येथील बसुगडे मळा गावापासून तीन किलोमीटर अंतरावर आहे. या मळ्याच्या पूर्व बाजूने ओढा वाहताे. या ओढ्यानजीकच्या शेतात शिरीष सावंत यांना मगर आढळली. त्यांनी तातडीने पालिकेचे कर्मचारी सचिन मोरे यांना माहिती दिली. तातडीने ते कुमार शिंदे, फरदीन आत्तार, पोपट शिंदे यांच्यासह पालिकेची अग्निशमन गाडी घेऊन घटनास्थळी दाखल झाले.

नगरसेवक जगन्नाथ बसुगडे यांच्यासह बसुगडे मळा परिसरातील युवकांनी घटनास्थळी गर्दी केली. या मगरीला पकडण्याचा सर्वांनी प्रयत्न केला. मुख्याधिकारी डॉ.कैलास चव्हाण यांच्यासह वनपाल चरापले व साठे यांनी वनविभागाच्या अधिकाऱ्यांनीही घटनास्थळी भेट दिली. सचिन मोरे, विकास मोरे, युवराज वाघमारे, दिनेश सावंत, अरविंद वाघमारे, अक्षय सावंत यांनी मगरीला पकडले. या परिसरात पहिल्यांदाच मगर सापडल्याने शेतकरी वर्गात भीतीचे वातावरण आहे. वनविभागाच्या वतीने मगरीला नैसर्गिक अधिवासात सोडण्यात आले.

फोटो : १८ आष्टा १

ओळ : आष्टा येथील बसुगडे मळ्यात साडेचार फूट मगर सापडली. विकास मोरे, सचिन मोरे, युवराज वाघमारे, दिनेश सावंत, अरविंद वाघमारे, अक्षय वाघमारे यांनी तिला नैसर्गिक अधिवासात मुक्त केले.