जिल्ह्यातील वीजग्राहकांनी २३ कोटी भरले

जिल्ह्यातील घरगुती एक लक्ष ८१ हजार ७०७ ग्राहकांकडे ११६ कोटींची थकबाकी होती. त्यापैकी १२ हजार १३१ ग्राहकांनी ११ कोटी रुपये भरले आहेत. वाणिज्य वर्गवारीत १५ हजार ११४ ग्राहकांकडील २३ कोटी थकबाकी पैकी तीन हजार ३६४ ग्राहकांनी सात कोटी ५० लाख रुपये भरले आहेत. औद्योगिक दोन हजार ४८१ ग्राहकांकडे १२ कोटी ९० लाख थकबाकीपैकी ६१४ ग्राहकांनी चार कोटी ७० लाख रुपये वीजबिल भरणा केला आहे.

एप्रिल २०२० ते जानेवारी २०२१ या दहा महिन्यांच्या काळात थकीत वीजबिलापोटी कोणत्याही ग्राहकांचा वीजपुरवठा खंडित केला नाही. महावितरणला आर्थिक संकटाला सामोरे जावे लागत आहे. ग्राहकांना चाेवीस तास वीजपुरवठा करण्यासाठी महिन्याला वीज खरेदी करावी लागत आहे. महावितरणला ग्राहकांना अखंडित वीजपुरवठा करण्यासाठी मोठ्या अडचणी निर्माण होण्याची शक्यता आहे. ग्राहकांसाठी सुलभ हप्त्यात वीजबिल भरण्याची सुविधा महावितरणकडून उपलब्ध करून दिलेली आहे. तेव्हा महावितरणची आर्थिक परिस्थिती लक्षात घेऊन ग्राहकांनी चालू बिलासह थकीत वीजबिलांचा भरणा करून सहकार्य करण्याचे आवाहन महावितरणच्या अधिकाऱ्यांकडून करण्यात आले आहे.

चौकट

दोन हजार ग्राहकांचा वीजपुरवठा खंडित

गेल्या दहा महिन्यांपासून वीजग्राहकांना अखंडित वीजपुरवठा करूनही ग्राहकांकडून वीजबिलाचा भरणा केला जात नव्हता. या पारर्श्वभूमीवर सांगली जिल्ह्यातील एक हजार ९८४ ग्राहकांचा वीजपुरवठा तात्पुरत्या स्वरूपात खंडित केला आहे, असल्याचे महावितरणकडून सांगण्यात आले.