आष्ट्यात शिवजयंतीनिमित्त शेतकऱ्यांना मोफत औषध फवारणी पंप वाटप

आष्टा : आष्टा शहरात शिवसेनेच्या वतीने छत्रपती शिवाजी महाराज यांची जयंती उत्साहात साजरी करण्यात आली. शिवसेनेचे नगरसेवक विरोधी पक्षनेते वीर कुदळे, उद्योगपती नितीन झंवर, पोलीस निरीक्षक भानुदास निंभाेरे यांच्याहस्ते सुमारे १०० गोरगरीब शेतकऱ्यांना औषध फवारणी पंप वाटप करण्यात आले.

यावेळी वीर कुदळे म्हणाले, शिवसेनेच्या वतीने प्रत्येकवर्षी सामाजिक उपक्रमाने शिवजयंती साजरी करण्यात येते. गतवर्षी बेरोजगारांसाठी नोकरी मेळावा, स्वच्छ भारत अभियानांतर्गत कचरा संकलनासाठी १५०० नागरिकांना घरोघरी मोफत डस्टबिन वाटप करण्यात आले. कोरोना संकटामुळे शेतमजूर शेतकरी अडचणीत आला आहे. मोफत औषध फवारणी पंपामुळे युवकांना रोजगाराची संधी उपलब्ध झाली आहे.

यावेळी आष्टा शहर लोकशाही आघाडीचे अध्यक्ष अमोल पडळकर, शिवसेनेचे शहर अध्यक्ष राकेश आटुगडे, विजय मोरे, अर्जुन माने, सतीश माळी, वर्षा औघडे, समीर गायकवाड, प्रा. अनिल फाळके, डॉ. सतीश बापट, भाजपचे सांगली जिल्हा उपाध्यक्ष प्रवीण माने, निवास खोत, गणेश माळी, सतीश कुलकर्णी, दिलीप कुरणे, अर्चना माळी, सागर परीट, पांडुरंग बसुगडे, राजकुमार सावळवाडे, सुदर्शन वाडकर, नंदकुमार आटुगडे, सूरज उंडाळे, संजय कोटीवाणी, राजेंद्र सावंत, दीपक सुर्वे, दीपक ओतारी, अजय महाजन, डॉ. अनिल निर्मळे, मारुती माने, अशोक जाधव, मनोज मगदूम, चंद्रकांत पाटोळे, विजय हाबळे यांच्यासह मान्यवर उपस्थित होते.