रिक्षाच्या कर्जांना मुदतवाढीची कृती समितीची मागणी

सांगली : राज्यभरात लॉकडाऊन शिथिल होत असले तरी प्रवासी वाहतूक अद्याप पूर्ण क्षमतेने सुरू झालेली नाही. त्यामुळे बँका व वित्तीय कंपन्यांनी रिक्षांच्या कर्जांना मुदतवाढ देण्याची मागणी रिक्षाचालकांनी केली. मिरजेत यासंदर्भात मंगळवारी विविध रिक्षा संघटनांची बैठक झाली.

पॅगो प्रवासी रिक्षा वाहतूक संघटनेचे अध्यक्ष महेश चौगुले म्हणाले की, लॉकडाऊन शिथिल झाल्याने कर्जवसुलीसाठीचा तगादा सुरू होण्याची शक्यता आहे. कर्जवसुलीच्या तगाद्यामुळे यापूर्वी काही रिक्षाचालकांनी आत्महत्याही केल्या आहेत. तशी वेळ पुन्हा येता कामा नये. यासाठी लॉकडाऊन १०० टक्के शिथिल होईपर्यंत आणि रेल्वे, बसवाहतूक पूर्ण क्षमतेने सुरू होईपर्यंत कर्जांना स्थगिती मिळावी. तशा सूचना शासनाने बॅंका व वित्तसंस्थांना द्याव्यात.

कर्जाचे हप्ते, व्याज त्यावरील दंडव्याज वसुलीसाठी रिक्षाचालकांना धमकावण्याचे प्रकार यापूर्वी घडले आहेत. भीती घालून रिक्षा ओढून नेण्याचे प्रयत्न झाले आहेत. त्याला विरोध करण्याचे बैठकीत ठरले. यावेळी राजू रसाळ, अजमुद्दिन खतीब, मोईन खताळ, तुषार मोहिते, शरीफ काझी, शिवाजी जाधव, रशीद शेख, बाळू खतीब, अरीफ शेख, अजित पाटील, महेश सातवेकर, सुहास कांबळे, प्रदीप फराटे, शाहीर खराडे, प्रकाश चव्हाण, अजित नाईक

संतोष ठोंबरे, तानाजी फडतरे, प्रकाश कांबळे, अनिल यादव, सुखदेव कोळी आदी उपस्थित होते.

चौकट

महाराष्ट्रभर रेल्वे, एसटी व खासगी प्रवासी वाहतूक पूर्ण आसन क्षमतेने सुरू होईपर्यंत रिक्षा व्यवसाय सुरळीत होणार नाही. कमाई सुरू झाल्यावरच कर्जाचे हप्ते भरण्याचा निर्णय रिक्षाचालकांनी घेतला. रिक्षा व्यवसाय बचाव कृती समितीतर्फे तसे निवेदन निबंधकांना देण्याचाही निर्णय झाला.

चौकट

निबंधकांना निवेदन देणार

महाराष्ट्रभर रेल्वे, एसटी व खासगी प्रवासी वाहतूक पूर्ण आसन क्षमतेने सुरू होईपर्यंत रिक्षा व्यवसाय सुरळीत होणार नाही. कमाई सुरू झाल्यावरच कर्जाचे हप्ते भरण्याचा निर्णय रिक्षाचालकांनी घेतला. रिक्षा व्यवसाय बचाव कृती समितीतर्फे तसे निवेदन निबंधकांना देण्याचाही निर्णय झाला.