कुपवाडमध्ये काँग्रेसतर्फे महागाई विरोधात सायकल रॅली

कुपवाड : कुपवाडमध्ये शहर काँग्रेसच्यावतीने इंधन दरवाढ व जीवनावश्‍यक वस्तूंच्या महागाई विरोधात मंगळवारी सकाळी शहरातील प्रमुख मार्गावरून सायकल रॅली काढण्यात आली. यावेळी पदाधिकाऱ्यांच्या वतीने केंद्र शासनाच्या विरोधात निदर्शने करण्यात आली.

काँग्रेसचे जिल्हाध्यक्ष पृथ्वीराज पाटील व नगरसेवक मंगेश चव्हाण यांच्या नेतृत्वाखाली हे आंदोलन करण्यात आले. यावेळी पाटील व चव्हाण म्हणाले की, देशात दिवसेंदिवस वाढत चाललेली इंधन दरवाढ व जीवनावश्‍यक वस्तूंच्या प्रचंड महागाईमुळे जनता हैराण झाली आहे, याला केंद्रातील मोदी सरकारच जबाबदार आहे.

शहरातील सोसायटी चौकातून सायकल रॅलीला सुरुवात करण्यात आली. केंद्र शासनाच्या विरोधात निदर्शने करण्यात आली. या रॅलीत सनी धोतरे, कुलभूषण कर्णाळे, देशभूषण कर्णाळे, राहुल पाटील, सिकंदर मुल्ला यांच्यासह काँग्रेसचे अन्य पदाधिकारी व कार्यकर्ते सहभागी होते.

130721\screenshot_20210713_135924.jpg

कुपवाडमध्ये शहर काँग्रेसच्यावतीने इंधन दरवाढ व जीवनावश्‍यक वस्तुंच्या महागाई विरोधात मंगळवारी सकाळी शहरातील प्रमुख मार्गावरून सायकल रॅली काढण्यात आली.