क्राईम सिंगल बातम्या

सांगली : करंजे (ता. खानापूर ) येथे तरुणाला सर्पदंश झाला. अण्णा चंदू माने (वय २५), असे त्याचे नाव असून सोमवारी सकाळी साडेआठच्या सुमारास ही घटना घडली. नातेवाइकांनी त्यास उपचारासाठी शासकीय रुग्णालयात दाखल केले आहे.

------------------------------------

एरंडोलीचा एक जण जखमी

सांगली : वळसंगजवळ दुचाकीवरून पडून झालेल्या अपघातात दिनेश श्रीपती पवार (वय ४०, रा. एरंडोली) हे जखमी झाले. रविवारी रात्री अकराच्या सुमारास हा अपघात झाला. त्यांना शासकीय रुग्णालयात दाखल करण्यात आले आहे.

--------------------------------

इंदिरानगरमधील एकाला मारहाण

सांगली : शहरातील इंदिरानगर येथील तरुणाला काठीने मारहाण करण्यात आली. यात प्रकाश दादासाहेब गायकवाड (वय ३२) हा जखमी झाला. रविवारी रात्री साडेआठच्या सुमारास ही घटना घडली. त्यास उपचारासाठी शासकीय रुग्णालयात दाखल करण्यात आले आहे.

-------------------------------

सलगरेत तरुणाला मारहाण

सांगली : सलगरे (ता. मिरज) येथील तरुणाला दोघांकडून मारहाण करण्यात आली. यात कृष्णा तुकाराम येडले (वय ३८) हा जखमी झाला. सोमवारी सकाळी अकराच्या सुमारास ही घटना घडली. त्यास उपचारासाठी शासकीय रुग्णालयात दाखल करण्यात आले आहे.