इस्लामपूर : वाघवाडी-शिवपुरी रस्त्यावरील बांदलमळा परिसरात ३० वर्षीय महिलेचा गळा आवळून खून करण्यात आल्याची धक्कादायक घटना घडली आहे. बुधवारी दुपारच्या सुमारास ही घटना उघडकीस आली. या प्रकरणी संशियाताला ताब्यात घेण्यात आलं असून अनैतिक संबंधाच्या संशयातून ही घटना घडल्याची शक्यता पोलिसांनी व्यक्त केली आहे.
प्रियांका सुनील गुरव (वय ३०, रा. तुजारपूर, ता. वाळवा) असे संबंधित महिलेचे नाव ल्नाव आहे. पती आणि पत्नी एकमेकांच्या चारित्र्यावर संशय घेत असत आणि त्यातूच दोघांमध्ये वारंवार खटकेही उडत. दरम्यान, पोलिसांनी दोघांना समज देत विभक्त होण्याचा सल्लाही दिला होता. इतकंच नाही, तर दोन दिवसांपूर्वी प्रियांका ही पोलीस ठाण्यातही आली होती.
दरम्यान, वाघवाडी-शिवपुरी रस्त्यावर असणाऱ्या बांदल मळ्यात बुधवारी तिचा मृतदेह आढळून आला. हा परिसर निर्जन असल्याने ही घटना दुपारी उघडकीस आली. ओढणीने गळा आवळून खून केल्याचे दिसून आले. घटनास्थळावर मृत प्रियांकाची बॅग, सिगारेट आणि खाद्यपदार्थांची काही पाकिटे पडली होती. खून करण्यापूर्वी प्रियांकावर अतिप्रसंग झाला असावा, संशयिताने मद्य अथवा अमली पदार्थाचे सेवन केले असावे, अशीही शक्यता पोलिसांकडून वर्तवण्यात येत आहे. नशेत संशयिताने ओढणीने प्रियांकाचा गळा आवळला आहे. त्यामध्ये गळ्याच्या घाट्याचा भाग आणि पाठीमागील मज्जातंतू तुटल्याने प्रियांकाची मान खाली पडली होती. तोंडातून रक्त आले होते. या प्रकरणी पोलिसांनी एका संशियाताला ताब्यात घेतले आहे.