भिलवडीत कोविड केअर सेंटर सुरू

लोकमत न्यूज नेटवर्क

भिलवडी

: भिलवडी (ता. पलूस) येथे ग्रामपंचायत व प्राथमिक आरोग्य केंद्राच्या वतीने कोरोना रुग्णांवर प्राथमिक उपचार करण्याच्या हेतूने कोविड केअर सेंटरची उभारणी करण्यात आली.

उद्योजक गिरीश चितळे, युवा नेते ऋषिकेश लाड, डॉ. बाळासाहेब चोपडे, सहायक पोलीस निरीक्षक कैलास कोडग, माजी जिल्हा परिषद सदस्य संग्राम पाटील यांच्या प्रमुख उपस्थितीत प्रारंभ करण्यात आला.

भिलवडी शिक्षण संस्थेच्या बाबासाहेब चितळे सभागृहात सुरू करण्यात आलेल्या कोविड सेंटरमध्ये २५ बेडची

सोय करण्यात आली आहे.

यावेळी ऋषिकेश लाड म्हणाले की, कृषी राज्यमंत्री डॉ. विश्वजित कदम यांच्या मार्गदर्शनाखाली भारती रुग्णालयाच्या माध्यमातून भिलवडी कोविड केअर सेंटरला मोफत औषध पुरवठा करण्याचे आश्वासन दिले आहे. या कोविड केअर सेंटरमध्ये रुग्णांसाठी मोफत औषधे, नाश्ता, जेवण, आंघोळीसाठी गरम पाणी, टीव्ही आदी सुविधा उपलब्ध केल्या आहेत.

प्रा. एम. आर. पाटील यांनी सूत्रसंचालन केले. यावेळी पोलीस उपनिरीक्षक विशाल जगताप, सरपंच सविता महिंद, उपसरपंच पृथ्वीराज पाटील, प्रा. धनंजय पाटील, भिलवडी प्राथमिक आरोग्य केंद्राचे वैद्यकीय अधिकारी डॉ. विश्वास धेंडे, तलाठी गौसमहंमद लांडगे, दक्षिण भाग सोसायटीचे अध्यक्ष बाळासाहेब मोहिते उपस्थित होते.