सांगली : सांगलीचे पोलीस अधिक्षक सुहैल शर्मा यांनी कोरोनावर मात केली. गुरुवारी पोलीस कर्मचाऱ्यांनी त्यांच्यावर पुष्पवृष्टी करत कार्यालयात स्वागत केले यावेळी पोलीस बँड पथकाने ही संगीताच धून वाजवत शर्मा यांचे स्वागत केले.
जिल्ह्यात कोरोनाचा शिरकाव झाल्यापासून पोलीस अधीक्षक शर्मा सातत्याने फिल्डवर काम करतात. शासकीय बैठका, पोलीस दलातील नियोजन, कोरोनाच्या उपायोजना यासाठी ते प्रयत्न करत होते. पाच सप्टेंबर रोजी त्यांना त्रास जाणवू लागल्याने त्यांची कोरोना चाचणी करण्यात आली. त्याचा अहवाल पॉझिटिव्ह आला. तेव्हापासून शर्मा यांच्यावर घरीच उपचार करण्यात आले.
बारा दिवसाच्या उपचारानंतर गुरुवारी ते कोरोनामुक्त होऊन कार्यालयात दाखल झाले. यावेळी अप्पर पोलीस अधीक्षक मनीषा डुबुले यांनी त्यांचे गुलाब पुष्प देऊन स्वागत केले. तर पोलिस कर्मचाऱ्यांनी त्यांच्यावर पुष्पवृष्टी केली. पोलीस बँडनेही संगीताच्या धुनीवर त्यांचे कार्यालयात स्वागत केले.