जिल्ह्यात ९३७ जणांना कोरोना; २३ जणांचा मृत्यू

सांगली : जिल्ह्यातील कोरोना रुग्णसंख्येत शुक्रवारी काहीशी घट झाली. दिवसभरात नवे ९३७ रुग्ण आढळले. परजिल्ह्यातील चौघांसह जिल्ह्यातील १९ जणांचा मृत्यू झाला. ८४९ जण कोरोनामुक्त झाले, तर म्युकरमायकोसिसचे तीन नवे रुग्ण आढळले, तर दोघांचा मृत्यू झाला.

जिल्ह्यातील १९ जणांचा मृत्यू झाला. त्यात मिरज १, कुपवाड २, वाळवा ५, पलूस ३, खानापूर, मिरज तालुक्यातील प्रत्येकी २, जत, कवठेमहांकाळ, शिराळा आणि तासगाव तालुक्यातील प्रत्येकी एकाचा समावेश आहे.

जिल्ह्यात उपचार घेत असलेल्या रुग्णसंख्येत वाढ झाली असून, ९ हजार ७०३ जण उपचार घेत आहेत. यातील ९८५ जणांची प्रकृती चिंताजनक आहे. यातील ८३२ जण ऑक्सिजनवर तर १५३ जण व्हेंटिलेटरवर उपचार घेत आहेत.

आरोग्य यंत्रणेने शुक्रवारी आरटीपीसीआरअंतर्गत ३,७५२ जणांच्या नमुन्यांची तपासणी केली, त्यात २४९ जण बाधित आढळले, तर रॅपिड अँटिजनच्या ९,७४९ जणांपैकी ६९४ जण पॉझिटिव्ह आढळले. परजिल्ह्यातील चौघांचा मृत्यू झाला, तर ६ नवे रुग्ण उपचारास दाखल झाले.

चौकट

म्युकरमायकोसिसच्या रुग्णसंख्येत शुक्रवारी वाढ झाली. त्यानुसार, दिवसात तीन नवे रुग्ण आढळले, तर दोघांचा मृत्यू झाला. यामुळे आतापर्यंत बाधितांची संख्या २९३ वर पोहोचली आहे, तर २० जणांचा मृत्यू झाला आहे.

चौकट

आतापर्यंतचे एकूण बाधित १,४७,७८७

उपचार घेत असलेले ९,७०३

कोरोनामुक्त झालेले १,३३,९७६

आतापर्यंतचे एकूण मृत्यू ४,१०८

पॉझिटिव्हिटी रेट ६.६३

शुक्रवारी दिवसभरात

सांगली १२७

मिरज ३०

आटपाडी ३९

कडेगाव ५४

खानापूर ४१

पलूस ५९

तासगाव ४८

जत ५०

कवठेमहांकाळ ८३

मिरज तालुका ११६

शिराळा ११६

वाळवा १७४