केंद्रीय पथकाची महापालिकेच्या वॉररूमला भेट

केंद्रीय पथकाचे सदस्य प्रणयकुमार शर्मा व प्रा. ओम यांनी महापालिकेच्या कोरोना वॉररूमला भेट देऊन उपाययोजनांची माहिती घेतली. उपायुक्त राहुल रोकडे, आरोग्याधिकारी डॉ. सुनील आंबोळे यावेळी उपस्थित होते.

लोकमत न्यूज नेटवर्क

सांगली : कोरोना उपाययोजनांची माहिती घेण्यासाठी सांगलीत आलेल्या केंद्रीय पथकाने महापालिकेच्या वॉररूमला भेट दिली. प्रशासनाकडून राबविल्या जाणाऱ्या उपाययोजनांची माहिती घेतली. कामकाजाबद्दल समाधान व्यक्त केले.

केंद्रीय साथरोग नियंत्रण संचालनालयाचे सहसंचालक प्रणयकुमार शर्मा व डॉ. ओम या दोघा सदस्यांच्या पथकाने सांगलीत शुक्रवारी प्रशासनाशी संवाद साधला. आयुक्त नितीन कापडणीस, उपायुक्त काहुल रोकडे व आरोग्याधिकारी डॉ. सुनील आंबोळे यांनी सदस्यांना माहिती दिली. यावेळी शहर कार्यक्रम अधिकारी समर पवार, नीलम कांबळे आणि वैद्यकीय विभागाचे अधिकारी उपस्थित होते. पथकाने महापालिका क्षेत्रातील काही कोविड रुग्णालये तसेच आरोग्यवर्धिनी केंद्रांनाही भेटी देऊन पाहणी केली.