आष्टा शहरात कोरोनाबाबत जनजागृती रॅली

ओळ : आष्टा शहरात कोरोना जनजागृती रॅली काढण्यात आली. रॅलीमध्ये तहसीलदार डॉ. दीक्षांत देशपांडे, मुख्याधिकारी डॉ. कैलास चव्हाण, पोलीस निरीक्षक अजित सिद, संजय सनदी सहभागी झाले हाेते.

लोकमत न्यूज नेटवर्क

आष्टा : कोरोना संकटाच्या पार्श्वभूमीवर आष्टा पोलीस ठाण्यात शहरातील विविध मंडळे, सेवाभावी संस्था, सामाजिक संस्था व पदाधिकाऱ्यांची बैठक झाली. शहरातून कोरोनाबाबत रॅली काढून जनजागृती करण्यात आली.

यावेळी गुढीपाडवा, डॉ. बाबासाहेब आंबेडकर जयंती, रमजान ईद, श्री राम नवमी, महावीर जयंती, हनुमान जयंती हे उत्सव साजरे करताना सर्वांनी सोशल डिस्टन्सिंगच्या नियमांचे पालन करावे, गर्दी करू नये, शासनाच्या नियमांचे पालन करावे, सांगली जिल्ह्यात दि. ५ ते ३० अखेर संचारबंदी आहे. नागरिकांनी प्रशासनाने दिलेल्या आदेशांचे पालन करावे, असे आवाहन पोलीस निरीक्षक अजित सिद यांनी केले.

काेराेनाचा प्रादुर्भाव वाढणार नाही, यासाठी प्रशासनाने दिलेल्या नियमांचे पालन करावे, मास्कचा वापर करावा. यासाठी अप्पर तहसीलदार दीक्षांत देशपांडे, आष्टा नगरपरिषदेचे मुख्याधिकारी डॉ. कैलास चव्हाण, पोलीस निरीक्षक अजित सिद, संजय सनदी, यांच्यासह पोलीस अधिकारी, कर्मचारी, होमगार्ड, महसूल कर्मचारी व नगरपालिकेचे कर्मचारी यांनी एस. टी. स्टँड चौकातून शहरात रॅली काढून जनजागृती केली.