रेठरेच्या सरपंच सुवर्णा कापूरकर यांना पुरस्कार

ओळ : भाटवाडी येथे आदर्श सरपंच पुरस्कार मिळालेल्या सुवर्णा कापूरकर यांचा सत्कार अशोक देवकर, सतीश उथळे, प्रकाश डोंगरे यांच्या हस्ते करण्यात आला.

लोकमत न्यूज नेटवर्क

वाटेगाव : भाटवाडी (ता. वाळवा) येथे माहेरच्या लोकांनी रेठरेच्या लोकनियुक्त सरपंच सुवर्णा कृष्णात कापूरकर यांना, ‘मान सन्मान फाउंडेशन’च्या वतीने ऑलिम्पिक वीर खाशाबा जाधव आदर्श सरपंच पुरस्कार मिळाल्याबद्दल ग्रामस्थांच्यावतीने त्यांचा त्यांचा शाल पुष्पगुच्छ देऊन सत्कार करण्यात आला.

यावेळी बोलताना राजारामबापू दूध संघाचे माजी संचालक हरिश्चंद्रचंद्र औताडे म्हणाले, सरपंचपद हे जनसेवेचे एक माध्यम असून, लोकनियुक्त सरपंच सुवर्णा कापूरकर यांनी ग्रामपंचायतीच्या माध्यमातून सर्वसामान्यांचे प्रश्न मार्गी लावून केलेले जनसेवेचे काम कौतुकास्पद आहे. अध्यक्षस्थानी उद्योगपती कृष्णदेव शेळके होते.

यावेळी दीपक रोकडे, कुमार बल्लाळ, मधुकर डोंगरे पवन पवार, कृष्णात कापूरकर, माजी सरपंच सुरेश उथळे,सतीश डोंगरे, संयुक्त पाणी पाणीपुरवठाचे उपाध्यक्ष अशोक देवकर, दिनकर उथळे, सोसायटीचे संचालक भगवान देवकर, अनंत दूध संस्थेचे अध्यक्ष प्रकाश डोंगरे, संभाजी देवकर, संभाजी यादव, अनिल घेवदे, बंडा लाहीगडे उपस्थित होते.