आष्टा, इस्लामपूरला नगर विकास आराखडा उपयुक्त

फोटो : आष्टा येथे विजयकुमार वाघमोडे यांचा चंद्रकांत पाटील, नंदकुमार बसुगडे, वैभव थोटे, जयदीप शिंदे,, संजय रानमाळे यांनी सत्कार केला.

लोकमत न्यूज नेटवर्क

आष्टा : आष्टा व इस्लामपूर शहरांना नगर विकास आराखडा अत्यंत उपयुक्त आहे. घर बांधताना सर्वांनी चारी बाजूंनी जागा सोडणे अत्यंत गरजेचे आहे, असे प्रतिपादन पुणे येथील नगररचना विभागाचे उपकार्यकारी संचालक विजयकुमार वाघमोडे यांनी केले.

आष्टा येथे आष्टा शहर व इंजिनिअर्स असोसिएशनच्यावतीने टाऊन प्लॅनिंगची नवीन नियमावली माहिती व शंका समाधान या कार्यक्रम ते बोलत होते. यावेळी त्यांनी ब्रिटिश काळापासून चालत आलेल्या नगररचना विभागाचे महत्त्व सांगून नवीन नियमावली कशी तयार झाली, जागा खरेदी-विक्री करताना प्लॉट विभागीकरण कसे करावे, बांधकाम परवाना मिळवण्यासाठी येणाऱ्या अडचणींबाबत मार्गदर्शन केले.

आष्टा, इस्लामपूर, वडगाव, तासगाव, सांगली, सातारा इंजिनिअर्स असोसिएशनच्यावतीने या कार्यक्रमाचे आयोजन करण्यात आले होते. सांगलीतील नगररचना विभागाचे सहायक संचालक अमोल पाटील यांचा आष्टा शहर इंजिनिअर्स असोसिएशनचे मार्गदर्शक चंद्रकांत पाटील, अध्यक्ष नंदकुमार बसुगडे, उपाध्यक्ष वैभव थोटे, सचिव जयदीप शिंदे यांच्याहस्ते सत्कार करण्यात आला

सुनील फारणे, गणेश पाटील, चंद्रकांत नेर्लेकर, जावेद मुल्ला, संदीप रोकडे, प्रा. संतोष मोहिते, विजयकुमार माळी, प्रवीण महाजन, संजय रानमाळे, अरविंद खोत, सुधीर सुतार उपस्थित होते.