पोषण आहाराची माहिती मागितल्यावरून आष्ट्यात एकाला मारहाण

दत्त वसाहत येथील इरफान मणेर यांना दोन मुली आहेत. त्या मोहम्मदिया अँग्लो उर्दू हायस्कूल येथे शिकतात. मणेर यांनी शालेय पोषण आहार व पटसंख्येबाबत मुख्याध्यापक मोहम्मद हनीफ बागवान यांच्याकडे माहिती मागितली होती. ३ जानेवारी रोजी मणेर शाळेत गेले व मुलींचे बोनाफाइड सर्टिफिकेट मागितले. त्यावेळी मुख्याध्यापक बागवान यांनी रागाने पहिले. दि. ६ रोजी दुपारी एकच्या दरम्यान रुकडे प्रवेशद्वारापासून जात असताना मुख्याध्यापक बागवान व त्यांचा मुलगा अकिब बागवान याने रस्ता अडवून माहिती अधिकाराचा वापर करून का त्रास देतोस, म्हणून बाचाबाची केली व त्यानंतर दत्त वसाहत येथील घरी जात असताना लाथाबुक्क्यांनी मारहाण केली. आकीब बागवान याने लोखंडी जगाने इरफान मणेर यांच्या डोक्यात मारले. त्यांना तातडीने आष्टा ग्रामीण रुग्णालय व त्यानंतर मिरज येथील शासकीय रुग्णालयात उपचारासाठी दाखल केले.