मुंबई : काही मुलं हे आपल्या मनातील गोष्टी व्यक्त करण्यासाठी थोडे घाबरतात. पण जर तुम्हाला जाणून घ्यायचं असे की, तो तुम्हाला पसंत करतो किंवा त्याच्या मनात तुमच्याविषयी काय आहे तर त्याच्या बॉडी लॅंग्वेजकडे लक्ष द्या. मुलं आपल्या काही वागण्यातून हे दर्शवत असतात की, ते तुमच्यासाठी दिवाने आहेत. असेच काही संकेत खालीलप्रमाणे बघता येतील.
बहाण्याचे जवळ येणे
त्याचं तुमच्यावर प्रेम आहे हे भलेही ते सांगण्यासाठी घाबरत असतील. पण छोट्या छोट्या गोष्टींमधून ते त्यांच्या मनातील तुमच्याविषयीचं प्रेम जाहीर करत असतात. ते बहाण्याने तुमच्या जवळ येत असतात, तुम्हाला स्पर्श करण्याचा प्रयत्न करत असतात, अचानक हात पकडत असतील तर समजून घ्या त्याच्या मनात तुमच्याविषयी नक्कीच काहीतरी आहे.
(पहिल्या भेटीत मुलांच्या 'या' गोष्टी नोटीस करतात मुली!)
बोलताना तुमच्या डोळ्यात बघत असेल
माणूस कितीही खोटं बोलला तरी त्याचे डोळे कधीच खोटं बोलत नाहीत. त्यामुळे तो जर तुमच्याशी बोलताना तुमच्या डोळ्यात बघत असेल, तुम्ही त्याच्याकडे बघितल्यावर नजर दुसरीकडे करत असेल तर नक्कीच त्याच्या मनात काहीतरी सुरु आहे असं समजा.
तुमच्या सुंदरतेला दाद देत असेल
तो तुम्ही सोबत असताना किंवा सोबत नसताना नेहमी तुमच्या दिसण्याचं, डोळ्यांच, बोलण्याचं, स्वभावाचं कौतुक करत असेल तर समजून घ्या की, त्याच्या मनात तुमच्याबद्दल नक्कीच काहीतरी आहे.
(पार्टनरसोबतची भांडणं टाळण्यासाठी या गोष्टींची घ्या काळजी)
तुम्हाला सतत आनंदी ठेवण्याचा प्रयत्न करत असेल
तुम्ही नाराज किंवा दु:खी असाल तर तुमचा मूड चांगला करण्यासाठी तुम्हाला वेगवेगळ्या गोष्टींतून हसवण्याचा प्रयत्न करत असेल तर नक्कीच त्याचं तुमच्यावर प्रेम असू शकतं. कारण असं प्रत्येकाला वाटत नसतं. जे खास असतात त्यांना हे जाणवतं.
तुम्हाला थेट-चोरुन बघणं
जर तुम्ही दोघे बोलत असाल आणि तो तुमच्याकडे टक लावून बघत असेल किंवा तुम्हाला चोरुन चोरुन बघत असेल तर नक्कीच तुम्ही त्याला आवडताय असं असू शकतं.