मुंबई : चांगला बॉयफ्रेन्ड कसं होता येईल याचा विचार काही तरुण नक्कीच करत असतील. त्यासाठी ते वेगवेगळ्या गोष्टीही ट्राय करत असतील. पण काही ते उमगतं आणि काहींना नाही. अशात तुमचं नातं अडचणीत येतं. अशावेळी चांगला बॉयफ्रेन्ड कसा असावा याचं ताजं उदाहरण बॉलिवूड अभिनेता रणवीर सिंह याचं देता येईल. तुम्ही म्हणाल कसं तर ते खालीलप्रमाणे सांगता येईल.
1) तुम्ही आहात तसेच राहा
रणवीर सिंह हा अजिबात कधी बडेजाव करताना तुम्हाला दिसला नसेल. तो उगाच नाटकीय पद्धतीने वागत नाही. त्याला वाटतं तसं तो वागतो. स्पष्ट बोलतो. तो नेहमीच विचित्र कपड्यांमध्ये बघायला मिळतो. कोण काय म्हणेल याचं त्याला काहीही देणंघेणं नाही. तुम्ही आहात तसे वागणं तुमच्या गर्लफ्रेन्डला नक्कीच आवडेल.
2) पार्टनरला नेहमी प्रोत्साहन द्या
आपल्या पार्टनरचा, तिच्या कामाचा, तिच्या निर्णयाचा सन्मान करणं हे सगळं रणवीर सिंह करत असतो. तो दीपिकाच्या घरच्यांना भेटतो, तिच्या मेहनतीची नेहमी प्रशंसा करतो. सोशल मीडियात छान छान फोटो शेअर करतो. अडचणी असो वा आनंदाचे क्षण तो तिच्यासोबत असतो. हा गुण तर प्रत्येक बॉयफ्रेन्डमध्ये असायला हवा.
3) काहीही झालं तरी तिच्यासाठी वेळ काढा
रणवीर सिंह आणि दीपिका दोघेही आपल्या कामात किती बिझी असतात हे सर्वांनाच माहीत आहे. पण तरीही ते आपल्या बिझी शेड्युलमधून वेळ काढून एकमेकांसोबत छान वेळ घालवतात. अनेकदा दोघे सुटयांमध्ये एकत्र फिरायला जातात, वेगवेगळ्या सोशल इव्हेंट्समध्ये एकत्र जातात. इतकेच नाहीतर दीपिका हॉलिवूड सिनेमाचं शूटिंग करत असताना व्हॅलेंटाईन डे तिच्यासोबत साजरा करण्यासाठी तो कॅनडाला गेला होता.
4) मनसोक्त आयुष्य जगा
अनेकांप्रमाणे रणवीर सिंह यालाही मोठा स्ट्रगल करावा लागला. पण तो कधीही नाराज किंवा त्याच त्याच गोष्टी लोकांना सांगताना दिसत नाही. त्याला कठीण परिस्थितीतही कसं हसावं हे माहीत आहे. तो त्याच्या समोरील सगळ्याच गोष्टींना सकारात्मक पद्धतीने बघतो. हेही तुमच्या गर्लफ्रेन्डला नक्की आवडेल.
5) स्वत: व्हा स्वत:चे शिल्पकार
हे काही वेगळं सांगायला नको की, रणवीर त्याच्या कामावर खूप प्रेम आहे. त्याला ते मनापासून आवडतं. त्यामुळेच आजच्या घडीला बी-टाऊनमधील आघाडीच्या अभिनेत्यांपैकी एक आहे. त्याचा या इंडस्ट्रीत कुणीही गॉडफादर नाहीये. तो स्वत:च्या मेहनतीने आज मोठा स्टार झाला आहे. अशा मुलाला डेट करणं किंवा त्याच्या प्रेमात पडणं कुणाला नाही आवडणार?
6) असुरक्षित वाटून घेऊ नका
दीपिका आणि तिचा आधीचा बॉयफ्रेन्ड रणबीर कपूर यांच्याच चांगली मैत्री आहे. ब्रेकअप झाल्यानंतरही दोघांनी एकत्र काम केलंय, करताहेत. पण याचं वाईट किंवा याबाबत रणवीरला कधीही असुरक्षित वाटत नाही. ही गोष्टही तुमच्या गर्लफ्रेन्डला नक्कीच आवडणारीच असेल.