कोरोनाचं व्हायरसचं संक्रमण संपूर्ण भारतात वाढत आहे. अशा परिस्थितीत शासनाकडून लॉकडाऊनचा कालावधी वाढवण्यात आला आ़हे. त्यामुळे घरी बसण्याशिवाय पर्याय नाही. कुठेही बाहेर जाता येत नाही, चोवीस तास घरी राहावं लागतं. यामुळे अनेकांची चिडचिड होत आहे. याचा परिणाम म्हणून पती- पत्नीत भांडण होण्याच्या घटनांमध्ये वाढ झाली आहे.
घरातली काम, मुलांना सांभळणं किंवा मग ऑफिसचं काम असेल सध्या सर्वच आपल्या जबाबदाऱ्यांमध्ये कामाचा ताळमेळ बसवणं कठीण होत जातंय. रिलेशनशिपमध्ये जर प्रेम टिकवून ठेवायचं असेल तर कोणत्या गोष्टी लक्षात ठेवाव्या लागतील याबाबत सांगणार आहोत. या टिप्सचा वापर कराल तर लॉकडाऊनमध्ये एका खोलीत बंद असून सुद्धा तुम्ही आपल्या पार्टनरसोबत आनंदाने राहू शकता.
पार्टनरकडे दुर्लक्ष करू नका
अनेकजण वर्क फ्रॉम होम असल्यानं कामाचा अतिरिक्त ताण आहे. पण यामध्ये आपल्या पार्टनरकडे दुर्लक्ष करु नका. काम करत असताना पार्टनरशी अधेमधे आवश्य बोला. कधीतरी स्वतः कॉफी किंवा चहा बनवून पार्टनरला द्या. गप्पा मारून ताण हलका करण्याचा प्रयत्न करा.
स्पेस द्या
भांडण होऊ नये म्हणून पार्टनरला स्पेस द्या. त्याला त्याच्या आवडीचं काम करु द्या. काही वेळ त्याला एकटं राहू द्या. वेगवेगळ्या रुममध्ये बसून आपल्या आवडीची काम करा. जसं पुस्तक वाचणं, वेब सीरिज पाहाणं, एखादा छंद जोपासू द्या. सध्या प्रत्येकजण आपला पूर्ण वेळ आपल्या पार्टनरला देण्याचा प्रयत्न करत आहे. त्याच्या या प्रयत्नांची दाद आवश्य द्या. तुमची छोटीशी प्रतिक्रिया सुद्धा त्यांच्यासाठी महत्त्वाची आहे. ( हे पण वाचा-पार्टनरच्या चुकीच्या वागण्यामुळे नाही तर 'या' कारणामुळे महिला सतत चिडचिड करतात)
नेहमी पॉजिटिव्ह रहा
कोणतीही समस्या असेल तर आपल्या पार्टनरशी बसून बोला. ती समस्या कशी सोडवायची यावर चर्चा करा. जबाबदाऱ्या समप्रमाणात वाटून घ्या. पुढच्या दिवसाची सुरुवात कशी करायची हे एकत्र बसून ठरवा. पार्टनरसोबतच नातं मजबूत ठेवायचं असेल तर सर्वात आधी तुम्ही स्वतःची काळजी घ्या. स्वतःला तणावमुक्त ठेवा. ( हे पण वाचा-म्हणून एकाच प्रोफेशनमध्ये असणारे कपल्स जास्त आनंदी असतात, 'असा' होतो फायदा)