रत्नागिरी : रत्नागिरी एज्युकेशन सोसायटी संचलित गोगटे जोगळेकर महाविद्यालय, रत्नागिरी ग्रंथालय विभाग, आय.क्यु.ए.सी. विभाग, तसेच द युनिक ॲकॅडमी पुणे यांच्या संयुक्त विद्यमाने दि. २६ ऑगस्ट रोजी सकाळी ११.३० वाजता एकदिवसीय ऑनलाईन फ्री वेबिनार आयोजित करण्यात आला आहे.
पदवी अभ्यासक्रम पूर्ण करीत असतानाच स्पर्धा परीक्षांची तयारी कशी करावी, यासाठी द युनिक ॲकॅडमीचे प्रा. हर्षद लवंगारे मार्गदर्शन करणार आहेत. या कार्यक्रमामध्ये महाविद्यालयातील विद्यार्थी सहभागी होणार आहेत. वेबिनारबाबतच्या अधिक माहितीसाठी ग्रंथपाल किरण धांडोरे यांच्याशी संपर्क साधावा, तसेच स्पर्धा परीक्षांच्या तयारीसाठी महाविद्यालयातील विद्यार्थ्यांनी या वेबिनारचा लाभ घ्यावा, असे आवाहन महाविद्यालयाचे प्रभारी प्राचार्य डॉ. पी. पी. कुलकर्णी यांनी केले आहे.